carantan
/-àn/
ca|ran|tan
[AF]
-
s.m.
[TS]
numism.
denominazion dade in origjin a une vecje monede di ram dal ducât di Carintie, po dopo aes monede dal valôr di 1/60 di florin, di 1/20 di svanzighe e a altris monedis:
tant i soldâts armâts, come la int transena, i paiaran al cuartirier par mieç funt di cjar e una altra pitança al dì, trê carantans (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.m.
(par anton.)
spec. tal pl., bêçs:
di ruf o di raf i sbregos di altris regjons a son stâts imblecâts o che si è daûr a imblecâju: ancje cui nestris carantans si capìs! (Josef Marchet, I siops);
«Ma o sin simpri alì: a vuelin carantans» (Pieri Menis, Il fiâr dal plevan)
Sin. becin
, bêç
, boro
, cuatrin
, franc
, monede
, solt
, brustul
, patan
, sclanfar
, craizar
, palanche
, clincar
, fliche
-
tal sing. o tun numar bas, monede di pôc valôr o piçule cuantitât di bêçs:
vuê pierdi il credit vûl dî che se nus covente, nissun nus prestarà un carantan (Pieri Somede dai Marcs, La buteghe dal barbîr);
chei pôcs carantans che becolava ca e là, no bastavin nancja par la polenta (Federigo Comelli, Il me paîs)
-
s.m.
[TS]
gjeol., agr., miner.
arzile cun carbonât di calci:
lis culinis di Buri, di Rosacis e dal Cuei e son dutis di carantan, e dutis e dan i plui bogns vins nostrans (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. ponche
Proverbis:
- al è muart chel che al tabacave e al à lassât un carantan; al è muart chel che nol tabacave e no 'nd à lassât gran
- al è simpri ben di vê te sachete un carantan di stupit
- feminis a 'nd è trê al carantan, e il carantan indaûr
- i siei carantans a plasin plui di ducj