bêç
bêç
[FO]
-
s.m.
spec. tal pl., mieç di paiament formât in gjenar di un discut di metal o di un biliet di bancje:
al vendeve a bon presit, ma bêçs subit (Angelo Covazzi, Dâ di credince);
lu vevin menaçât di tirâlu jù di spese se nol ves tirât fûr i bêçs in curt (Fabian Ros, Un piçul particolâr);
il paron al mandave a cjoli cuatri pagnuts di pan cuinçât e un bêç di arint (Riedo Pup, Vergjilio);
ti racomandi di no straçâ i bêçs (Maria Forte, Sul cjar di Pauli Gurin);
nol è mâl e al à ancje cjase e bêçs sul libret in bancje (Roberto Ongaro, Cretevierte)
Sin. carantan
, franc
, monede
-
ricjece, complès des risorsis economichis:
in chescj dîs cui che al à robe di vendi al po fâ bêçs cu la palote (Josef Marchet, Il pietin e il grop);
nol à di dânus bêçs: al à di lassânus chel che o vin […] cjalait che al è tant diferent dâ bêçs da part dal Stât, e lassânus chei che o vin (Francesc Placerean, Di ducj i dons dal Spiritussant, cumò al covente il don dal coragjo)
Proverbis:
- a bêçs e a santitât, crodii par metât
- a imprestâ bêçs, si piert la amicizie
- a saran bêçs che nô no sarìn
- a volê ben nol coste bêçs
- a volêsi ben nol coste bêçs
- al vâl plui un bon consei che no une borse di bêçs
- bêçs a menin vuere
- bêçs a saran che nô no sarìn
- bêçs a son che nô no savìn,
- bêçs di lot, di pene e di putane no durin trop
- bêçs di pote ai van che ai trote; bêçs di stole ai van che ai svole
- bêçs e dolôrs cui che ju à sai ten
- bêçs e fam a son dutun
- bêçs e santitât la metât de metât
- bêçs fâs bêçs e nuie fâs nuie
- bêçs in bancje e ledan tal cjamp
- benedets i bêçs che si sude di bessôi
- cence bêçs no si sta ben nancje in glesie
- cjar di sbîr trê bêçs la lire
- cortesie di bocje no coste bêçs
- cui bêçs dut no si compre
- cui bêçs e cu la amicizie si cope la justizie
- cui che al à bêçs al à dut
- cui che al à bêçs al à reson
- cui che al à bêçs al po spindi
- cui che al à bêçs di no savê ce fâ, che si meti a litigâ o a fabricâ
- cui che al à bêçs di no savê ce fâ, che si meti in lît o a fabricâ
- cui che al è cence bêçs che no si lassi vignî voiis
- cui che al fâs fabricâ al à bêçs in casse, cui che al fâs piturâ ind à di masse
- cui che al impreste bêçs al piert la amicizie
- cui che al va cence bêçs tal tacuin, al è un muart in pîts
- cui che nol à bêçs te borse che al vedi mîl in bocje
- cui che nol cjate bêçs tes sôs sachetis int cjate mancul in chês di chei altris
- cui che si laude nol vâl un bêç
- cui che si maride pai bêçs si picje pal cuel
- cui che ur impreste bêçs ai siôrs al piert i bêçs e l'onôr
- e coste bêçs dome la prime boce
- fabricâ cui bêçs in casse, piturâ se a 'nd è masse
- i bêçs a son fats par spindi
- i bêçs a son fats taronts par che a corin
- i bêçs a son il secont sanc dal om
- i bêçs a son tant che i datui di Spagne: chel che ju semene no ju mangje
- i bêçs a son taronts: a stan pôc a lâ
- i bêçs bisugne savêju spindi
- i bêçs dai predis a vegnin cjantant e a van vie sivilant
- i bêçs dai vilans e i coions dai cjans a son i prins a mostrâsi
- i bêçs no si puartiju cun se
- i bêçs no si ristieliju
- i bêçs no vegnin jù pai cops
- i bêçs no vegnin jù pal cjamin
- i bêçs no vegnin pe lade dal tet
- i bêçs scuindûts no dan pro
- i bêçs si palotiju
- i bêçs siei a son i plui biei
- i dincj no stâ menâ se no tu âs bêçs di paiâ
- il dint no stâ menâ, se no tu âs bêçs di paiâ
- il fum al va par traviers, al va là che a son i bêçs
- il siôr al à i bêçs, il puar i comedons
- jeve solt e sente bêç
- l'om cence bêçs al è un muart che al cjamine
- l'om cence bêçs al è un om cence sanc
- la aghe no coste bêçs
- mancul siôr e plui bêçs
- nol baste vê bêçs, bisugne savê spindiju
- o mîl in bocje o bêçs in borse
- o mîl in bocje o bêçs te sachete
- par fâ bêçs no bisugne vê pôre dal diaul
- se si vûl pierdi la amicizie, bisugne imprestâ bêçs
- sui bêçs nol tampieste
- un plat di buine ciere nol coste bêçs
- vuardilu ben, vuardilu dut: l'om cence bêçs tant che al è brut