centesim
/-té-/
cen|te|sim
[FO]
-
adi.num., pron.num., s.m.
che, ce o cui che intune serie al corispuint al numar cent:
si à fat riferiment al centesim inovâl de «jentrade dal Friûl in Italie» (Marc Stolf, «Identità culturale del Friuli»...o gnove (e vecje) disidentitât?)
Var. sentesim
-
adi.num.
in funzion enfatiche, par solit par esprimi une ripetizion intune secuence une vore lungje:
e cussì, intant che o pensi a la centesime bastonade che al cjape il nestri Friûl [...] (Tonin Cjapielâr, Brutis realtâts)
Sin. milesim
-
s.m.
ognidune di cent parts compagnis che a componin un intîr:
lis divisions e sudivisions di chistis unitâts principâls si formin cul decim e centesim (Federigo Comelli, Il me paîs)
-
adi.
di part, porzion, che e je compagne di altris novantenûf che a componin une unitât:
il Moviment Popolâr Furlan nol à fate nancje la centesime part dai sfuarçs e des spesis che i partîts organizâts a àn podût fâ (Josef Marchet, Dodis mil e cuatricent)
-
s.m.
monede che e à il valôr cent voltis plui piçul di chel di une unitât monetarie interie:
un tiredoi cualuncue al paiave di tarife, al pas de Fele, nonante centesims (Giovanni Gortani, Lant jù pe Tresemane);
il biliet al coste un dolar e cuarante centesims (Vico Bressan, Cîl e aghe)
-
cuantitât di marcjanzie che e à chel valôr o chel cost
-
s.m.
(fig.)
in frasis neg., nuie di bêçs o valôr une vore piçul, cuantitât di bêçs une vore piçule:
paiadôr, par altri! Nol veve tirât jù un centesim! (Roberto Ongaro, Cretevierte);
e cussì la robe purcine e jentrà cence paiâ un centesim di dazi (Angelo Covazzi, Domandait al paron)
Sin. boro
, crût
, franc
, solts
, carantan
-
s.m.
[CO, TS]
metrol.
unitât di misure che e vâl la centesime part dal metri:
il pavêr nol à di jessi plui lunc di trê centesims (Pieri Somede dai Marcs, Ursule);
une buse cuadre di cincuante centesims (Roberto Ongaro, Cretevierte)
Sin. centimetri
-
s.m.
(iperb., ancje fig.)
massime in frasis neg., spazi minim, cuantitât o grandece minime:
un nevôt al jere stât subit seneôs di vendile [une cjasute], ma Berto, plui ustinât di lui, nol veve volût cedi di un centesim (Franca Mainardis, Aiar di cjase);
o podarìn tornâ a capî un ciert numar di cuistions di fonde de vite e di chest mont dulà che robis tant che la fuarce, lis peraulis, l'ordin e la leç no nus àn fat lâ indenant di un centesim (Franc Fari, Il cjâf dai furlans)
Sin. cininin
, fregul
, milimetri
, ninin
, once
, pêl
, sbit
, sclip
, sflic
, tic1
, tininin
, pont
, ongule
, fîl
Polirematichis e espressions idiomatichis
Proverbis:
- cent oris di malinconie no pain un centesim di debit
- centesim sparagnât, dôs voltis vuadagnât
- cui centesims si fâs la svanzighe
- cui che nol ten cont dal centesim nol rive a fâ il solt
- cui che nol ten cont di un centesim nol vâl un milesim
- il centesim al è piçulit ma a sparagnâlu al fâs profit