milesim
/-é-/
mi|le|sim
[CO]
-
adi.num., pron.num.
che intune serie, intune progression, al cjape il puest dal numar mil:
tal 1983 al è colât il milesim aniversari de prime volte che si cjate il non di Udin tun document
-
adi.num., pron.num.
cun enfasi, par dî un numar grant:
dulà mai jerial il sbalgjo di so pari?… Titute sal domandave pe milesime volte, cence rivâ a cjatâlu in dute la vite martare di chel puar om (Pieri Menis, Chei di Muraie)
Sin. centesim
, enesim
-
s.m.
ognidune des mil parts compagnis che si pues dividi un dut, in particolâr di misuris tant che il metri o il secont o par segnâ il tenôr dal arint:
intune superficie di 25 milesims di metri cuadri si è rivâts a tirâ sù la tension eletriche di circuit viert fin a 1.000 volts di tension… un sproposit (Lorenzo Marcolini, Aplicazions des celis organichis nanostruturadis);
al à fracât il tast ENTER e il messaç si è spandût intun milesim di secont in dut il mont (Andrea Giarduz, Gianfranco Pellegrini, Storie di un frut che al à salvât il Nadâl)
-
ognidune des mil frazions compagnis di une proprietât imobiliâr, in riferiment a une proprietât in condomini
-
s.m.
indicazion dal an:
al veve metût il so non e il milesim grant sul volt dal puarti de cjase domenicâl «ZUAN BAPT. MCCCXXXV» (Dino Virgili, La aghe da pît la cleve);
na grant crous carulida, plantada tun clap, cul milesim segnât parsora (Novella Cantarutti, I cjans di not)
Proverbis:
- cui che nol ten cont di un centesim nol vâl un milesim