Dizionari de Lenghe Furlane

vignî indevant    [AF]

1. loc.v. movisi in direzion frontâl, in mût di svicinâsi a cui che al fevele o a un pont di riferiment o ancje cence un riferiment clâr:  subit che i turcs vevin scomensât vignî indevant pal troi, l'esersit cristian, a un segnâl di cuar, veva scomensât rebaltâ i arbui par sapulî sot di lôr i nemîs (Ranieri Mario Cossâr, La storia di Smeralda e di Varnieri)
   Sin. fâsi indevant , vignî indenant , fâsi indenant
   Cfr. vignî dongje , vignî incà
   
   1. ancje in formulis di benvignût, par dî di jentrâ a cui che al rive o che al domande cun permès:  "Oe là, bondì, siôr Basili Cjargnel!" "Sìì, o ai propi voie di scherçâ ve, Gjenio! Ven indevant e metiti di bevi" (Alviero Negro, La cjase)
   2. ancje di un event, di une situazion e v.i. svicinâsi:  "Al è dut un schifo. Chest paisat, cheste naie, la vuere che e ven indevant … Sâstu che o vin vût l'ordin di partî pe Afriche? La setemane che e ven, al semee." (Gianni Gregoricchio, Îr e doman)
2. loc.v. vê une evoluzion, sucedi, capitâ:  il centralisim roman al rosee competencis e risorsis, e di chê altre bande a vegnin indevant riformis istituzionâls che a cirin di peâ il destin des Regjons a un Senât che nol varà podê efetîf (Walter Tomada, Riformis istituzionâls, autonomie simpri plui roseade: ve parcè. Nestre interviste a Elena D’Orlando)
   Sin. vignî indenant
3. loc.v. vignî a fevelâ, a fâ propuestis, a vê pretesis e v.i.:  "L'è dut inutil che tu vegnis indavant cu la cite da mîl" i disè il Sultan; e sence tancj compliments al ordinà as sôs vuardies di leâlu (Luigi Gortani, Al marcjât di Vile)
   Sin. fâsi indevant , vignî indenant , fâsi indenant , vignî dongje , vignî incà

Components:

• indevant av., adi.inv., s.m.inv.
• vignî v.intr., v.aus.