Dizionari de Lenghe Furlane

vignî dongje    [AF]

1. loc.v. svicinâsi tal spazi:  "Altris novitâts!… Vignît dongje, che nissun al sinti!…" (Arturo Feruglio, In cîl e je une stele!…); mi è vignût dongje, cu la muse su la mê muse, e mi à dit: «Scjampe vie, pal to ben. Mars!» e mi à molât un sburton (Pieri Menis, Il burlaç)
   Sin. vignî sot
   
   1. svicinâsi tal timp:  cumò che e vignive dongje la stagjon de vendeme e cun dutis lis voris che sô mari e veve di frontâ, al scugnive stâ tant timp di bessôl (Gianni Gregoricchio, Îr e doman)
   2. sucedi, capitâ:  al cole planchin il soreli. E ven dongje la sere (Ivano Urli, Storie di Vera)
2. loc.v. tornâ a cjase, in famee o intune cierte compagnie:  "Ce neveade! e ce frêt e chel mostro di om ancjemò nol è vignût dongje: a son benzà dôs oris passadis che lu spieti e cuissà dulà che al è lât a imbusâsi, o soi propit stufe, ma stufe di stâ a spietâlu, ma al vignarà dongje…" (Pieri Somede dai Marcs, A la oselade)
3. loc.v. rivâ in proprietât, in possès, a disposizion di cdn.:  ducj i bêçs che e vevin, e jerin vignûts dongje cussì po, miôr che a àn podût, sgrife chi, sgrafe là… barufe di une bande, imbroie di chê altre (Pieri Menis, Doi pizighets e un lari); tai prins agns di ativitât la publicitât e vignive dongje cence un sfuarç coordenât (Max Mauro, Un Friûl difarent: i 90 mhz di Onde Furlane)
4. loc.v. (fig.) cjatâsi te situazion di podê jessi tocjât de azion di cdn.:  «al viodarà ce che i fâs jo cuant che al ven dongje, siôr mestri!» (Ivano Urli, Vuadagnâsi il gustâ)
   Sin. vignî sot

Components:

• dongje av., prep., adi.inv.
• vignî v.intr., v.aus.