Dizionari de Lenghe Furlane

meti devant    [CO]

1. loc.v. fâ che alc o cdn. al stedi devant, di face, prime e v.i. di alc altri o di cdn. altri o dal subiet:  i veve metût devant une tace e il bocâl dal vin (Gianni Gregoricchio, Îr e doman)
   Sin. meti denant
2. loc.v. fâ che cdn. al vedi di confrontâsi cuntun fat, cuntune situazion, cuntune sielte e v.i.:  une considerazion che nus met devant dal fat che al vâl cetant la pene di cognossi lis propriis tradizions: nus permetin di rivâ ae lidrîs dal nestri jessi (Alessio Screm, Ce fin aie fat la vilote?)
   Sin. meti denant
3. loc.v. fâ che alc al sedi sot de atenzion di cdn.:  lis gnovis sfidis che nus met devant la avanzade dai imprescj digjitâi (Dree Venier, «No esistin piçulis leteraturis»)
   Sin. presentâ , mostrâ , pandi , meti denant
4. loc.v. dâ plui impuartance, dâ prioritât:  a son 50,2% i intervistâts che a calcolin tant che lôr prime lenghe il furlan, rispiet ai 41,3% che a metin devant il talian (Luche Nazzi, Tirie dilunc la Vierte autonomistiche?)
   Sin. preferî , privilegjâ , vê miôr , meti denant

Components:

• devant av., prep., adi.inv., s.m.sing.
• meti v.tr.