Dizionari de Lenghe Furlane

meti denant    [CO]

1. loc.v. fâ che alc o cdn. al stedi denant, di face, prime e v.i. di alc altri o di cdn. altri o dal subiet:  i met denant un got plen: "Bêf vecjo, pare ju chel marum […]" (Alviero Negro, La cjase)
   Sin. meti devant
2. loc.v. fâ che cdn. al vedi di confrontâsi cuntun fat, cuntune situazion, cuntune sielte e v.i.:  chei de S.S. a àn clamât il comandant metintlu denant de situazion: ducj [i presonîrs] a vevin i pedoi (Max Mauro, Buchenwald 1944); il fat di podê previodi l'avignî al à dât, ai oms [al om], cetantis pussibilitâts ma lu à ancje metût denant di un fat sigûr, inscrit tal futûr di ogni persone, la sô muart (Franc Fari, Il cjâf dai furlans)
   Sin. meti devant
3. loc.v. fâ che alc al sedi sot de atenzion di cdn.:  o ai metût denant de Comission chestis dôs pussibilitâts alternativis (Adrian Cescje, Memoriis di politiche linguistiche)
   Sin. presentâ , mostrâ , pandi , meti devant
4. loc.v. dâ plui impuartance, dâ prioritât:  pontâ dut su la proprie capacitât di organizâ il propri intervent in mût autonom, poiantsi a nivel locâl su lis istituzions, e metint denant di dut la proprie identitât (Igor Londero, Cuintristorie dal taramot); al veve metût denant l'amôr pe mari al sucès de mission (Raffaele Serafini, Contis sot spirt)
   Sin. preferî , privilegjâ , vê miôr , meti devant

Components:

• denant av., prep., adi.inv., s.m.sing.
• meti v.tr.