Dizionari de Lenghe Furlane

passâ devant    [CO]

1. loc.v. movisi denant o dongje di alc o di cdn.:  la palacine e jere simpri siarade. I cjars, par Stradimieç, i passavin devant (Dino Virgili, La aghe da pît la cleve); e jere une bielece a viodi tants rosis co si passave devant, che e someave une cjase di siôrs (Jolanda Mazzon, Jarbate te cort)
   Sin. passâ denant
   
   1. di strade o sim., jessi dongje, jessi denant
2. loc.v. lâ plui svelt di alc o di cdn., in mût che di daûr che si jere, si finìs denant:  e à començât vie Ligurie ma dopo un pôc chel daûr al passe devant "Ma jo cu la cinccent lu ai tornât a passâlu fracant dut l'aceleradôr, ma lui vint la machine plui grande di me mi torne a passâ […]" (Mario Beltramini, Jo e Graziella)
   Sin. passâ denant , passâ , superâ , lâ denant , lâ devant
3. loc.v. fâ alc o vê alc prime di cdn. altri, in câs ancje par no vê rispietât un ordin, une code e v.i.
   Sin. passâ denant , lâ devant , lâ denant
4. loc.v. jessi miôr, fâ miôr, vê risultâts miôr di altris:  [tes elezions politichis al è elet] l’ex vicesindic di Triest Paris Lippi che al passe devant dal segretari regjonâl Valerio Toneatto (Walter Tomada, La situazion avilente de politiche furlane: il pont sul Parlament. O sin dal gjat!)
   Sin. lâ parsore , passâ parsore , scjavalgjâ , vanzâ , passâ , superâ , passâ denant

Components:

• devant av., prep., adi.inv., s.m.sing.
• passâ v.intr., v.tr.