Dizionari de Lenghe Furlane

passâ parsore    [AF]

1. loc.v. tal sens leterâl, passâ su alc o su cdn.:  une poiate di fum neri e penç e navigave vie de bande dal bosc, passant parsore dai peçs (Pieri Menis, La gjaline robade)
   Sin. passâ sore
2. loc.v. superâ un ostacul o ancje une norme, une autoritât, une jerarchie, ancje cun procediments che no van daûr de formalitât stabilide:  se une femine e vûl ben veramentri no à pôre di nuie, e passe parsore di dutis lis dificoltâts (Pieri Menis, Chei di Muraie); o sin passâts parsore di comandaments e di precets (Riedo Pup, No sin bogns di fâ fieste)
   Sin. passâ sore
3. loc.v. no tignî in cont:  a lui i plaseve dut, di jê: il so fâ timit, ma sigûr, la dolcece de sô vôs, dal so caratar, la bontât, chel so savê passâ parsore dai dituarts ricevûts, il so fevelâ un pôc romantic (Roberto Ongaro, Il muc); nancje la bontât imense dal Signôr no pues passâ parsore des tôs blestemis! (Carlo Tolazzi, La salamandrie tal fûc)
   Sin. lassâ stâ , lassâ lâ , lassâ pierdi , perdonâ , sierâ un voli , passâ sore

Components:

• parsore prep., av., adi.inv., s.m.sing.
• passâ v.intr., v.tr.