Dizionari de Lenghe Furlane

lassâ lâ    [AF]

1. loc.v. permeti di lâ:  "Mame, tu podevis lassâmi lâ ancje me, jo o savevi ben i trois che menin a Litorie" (Pieri Somede dai Marcs, Resurezion a Pontinie); il fantat, fasint larc cu la ruede de biciclete, ur scjampà disint: « Lassaitmi lâ… no ai timp di peteçâ cun voaltris…» (Pieri Menis, Un muart su la strade)
   
   1. lassâ libar:  "Ma no nus vevin fat nuie [i milizians fassiscj] - al insisteve Veloce - si podeve lassâju lâ." "Tu provarâs se ti cjapin lôr, se le pensin cussì!" al rugnà Nerone (Roberto Ongaro, Il muc)
2. loc.v. ignorâ, fâ fente di nuie o no cjapâ in considerazion:  "Sù, sù,lassìn lâ, no stin a tirà fûr storiis, butìn vie lis malinconiis […]" (Pieri Somede dai Marcs, Vilie di Nadâl (teatri))
   Sin. lassâ di bande , lassâ pierdi , lassâ cori , lassâ in pâs , lassâ stâ
3. loc.v. dâ cun fuarce un colp:  "Cimût la intindiso?" e sberlave "crodiso di stâ li a poltronâ infin al dì dal judizi voaltris, dopo vê mangjât e bevût su lis mês spalis?" E ma lafè sì e lassà lâ une sgnesule a puar sant Pieri (Catarine Percude, Il prin sarasin); i lassà lâ un scapelot che lu inzenoglà e i fasè svolâ il cjapiel (Roberto Ongaro, Il muc)
   Sin. dâ , molâ , petâ , slungjâ , sgnacâ , poiâ
4. loc.v. fâ che alc si cuei in maniere regolâr, daûr di cemût che il mût di cusinâ al jere za inviât:  si regole di sâl e di pevar blanc e si lasse lâ il timp di fâ "strenzi" (Margherita Timeus, Lis rosis tal plat)

Components:

• lâ v.intr., s.m.sing.
• lassâ v.tr., v.intr.