Dizionari de Lenghe Furlane

lassâ in pâs    [AF]

1. loc.v. tal sens leterâl, no cjapâ dentri in vueris o savoltaments:  [il popul furlan], massime dopo lis sacodadis e lis vuadulis cjapadis sot di Napoleon, al bramave nome di jessi lassât in pâs (Josef Marchet, Cuintristorie dal Friûl fin sot la Italie)
2. loc.v. lassâ cuiet, no secjâ, no fâ domandis, critichis e v.i.:  "Signôr benedet! Fra Bernart, vêso mâl" "No ai nuie, no. Ma, lassaitmi in pâs; ai bisugne di stâ sôl." (Zuan Lurinçon, La Madalene); "No podaressiso lassâ in pâs la int che no à voie di fotis!" (Arturo Feruglio, Un grop sul stomi)
   Sin. lassâ stâ , lassâ vivi
3. loc.v. no cjapâ in considerazion, no tratâ, no frontâ e v.i.:  par la cuâl jo us dîs: lassait in pâs la cjace che e je simpri stade e firmait prime di dut e ae svelte cuintri i «pesticidi» (Riedo Pup, I furlans e la cjace)
   Sin. lassâ di bande , lassâ pierdi , lassâ cori , lassâ stâ
4. loc.v. no cjapâ, no tocjâ, no fâ dal mâl:  si jere inacuart che il fi al veve un brut naturâl: nol lassave in pâs lis bestiis (Maria Forte, La tiere di Lansing)
   Sin. lassâ stâ , lassâ vivi

Components:

• lassâ v.tr., v.intr.
• pâs s.f.

Proverbis:

• scherce cui fants ma lasse in pâs i sants