Dizionari de Lenghe Furlane

sierâ un voli    [CO]

1. loc.v. fâ fente di no viodi, fâ fente di no savê o in ogni câs no tignî in considerazion cun severitât:  "Siare un voli, va! Siare un voli!" "Si pues perdonâ ancje cheste, siôr plevan!" "O perdoni, ma a un pat." (Bruno Paolo Pellarini, Amôr in canoniche); si à di dî che salacor la evasion di Casanova e jere stade organizade dal so protetôr Bragadin, e i Incuisitôrs a vevin sierât un voli (Pierluigi Visintin, Friûl e furlans te Histoire de ma vie di Giacomo Casanova)
2. loc.v. soredut in espressions negativis, rivâ a durmî:  moments cun pinsîrs disordenâts, un cuintri l'altri e tal cjâf come un bôç di âfs. Gnotoladis cence plui oris… e jê di no sei parone di sierâ un voli (Maria Forte, Cjase di Dalban); almancul a Gnespolêt Vigje e durmive e al rivave alore a sierâ un voli ancje lui (Ivano Urli, I spirts)
   Sin. sierâ lûs , sierâ voli , durmî voli

Components:

• sierâ v.tr., v.intr.
• voli s.m.