Dizionari de Lenghe Furlane

devant dai voi    [AF]

1. loc.av. propit li che si cjale, li che si pues viodi o intant che si cjale o che si è presints:  ce biel il bosc cumò! E viodè i peçs che i si slargjavin devant dai voi a buinore, viarzint il balcon (Jolanda Mazzon, Fûr di timp); al veve devant dai voi la cusine plene di lûs e la maravee dal zardin daûr (Gianni Gregoricchio, Îr e doman)
   Sin. sot dai voi
   Var. denant dai voi
   
   1. ancje tornant a viodi cu la memorie o contemplant cul intelet:  si visà dal Pepi, dut scurtissât, e po di chê siore dute vistude di neri tal zimitieri daûr dal Sant Roc, che si la viodeve ancjemò devant dai voi (Jolanda Mazzon, Di là de rêt); la situazion che si cjatìn devant dai voi a nivel globâl in dì di vuê […] (Alessio Potocco, Timp no ’nd è plui, si scuen fâ alc daurman)

Components:

• devant av., prep., adi.inv., s.m.sing.
• voli s.m.