Dizionari de Lenghe Furlane

trate  tra|te  [AF]

1. s.f. il tirâ, il jessi tirât e il so risultât:  sot di lui e tor di un pilon, il sest i da une trate ae cuarde (Ivano Urli, Storie di Min)
   Sin. trat , tirade , tiron
2. s.f. pont o fase individuade rispiet a altris o intune dinamiche gjenerâl:  e il timp che al passe di une diluvion a di chê altre e je dome une trate in spiete di un gnûf disastri (Franco Marchetta, Madalene)
   Sin. volte , colp , dade , viaç , bugade¹ , jenfri
   
   1. cierte cuantitât di timp o di spazi:  un colpat çamp che par une trate al tornarà a cjolinus il flât (Josef Marchet, Legnadis e pidadis)
      Sin. toc¹ , volte , pôc
3. s.f. part di viaç o di percors:  chê gnot che o ai fate in nâf e la trate che o ai fate daspò in tren fint a Rome […] (Adrian Cescje, Memoriis di politiche linguistiche); i nestris contestadôrs a denunziin che il cost di passe siet miliarts di euros pe trate [di TAV] Vignesie - Triest al sedi masse alt (Oscar Puntel, Lis dificoltâts des infrastruturis a varessin di fâ rifleti)
   Sin. toc¹
4. s.f. trafic di personis compradis e vendudis, o passadis in cualchi maniere di un paron a di un altri:  fra 1511 e 1787, la trate dai sclâfs e à puartât in Americhe, vivis o muartis, uns 40 milion di personis (Luche Nazzi, I sclâfs dal tierç milenari a passin ancje par ca)
5. s.f. [TS] venat., pescj. viôt rêt di trate

Polirematichis e espressions idiomatichis

• a tratis loc.av.
• dâ la trate loc.v.