bugade1
/-à-/
bu|ga|de
[AF]
-
s.f.
soflade, colp, passaç di aiar o di alc puartât dal aiar:
e spalancave i scûrs, lassant jentrâ pal barcon bugadis dal aiar fresc de valade (Carlo Sgorlon, Il dolfin);
lis bugadis di aiar a fasevin slusignâ lis fueis dai pôi e a pleavin i ciprès dulintor de glesie (Enrico Martina, Ricuarts e inlusions);
in chel che al sierave il barcon, une bugade di bonodôr di fen i jere rivade intor (Alan Brusini, Par stradis lungjis)
Sin. buf1
, sofli
, soflade
, aiarade
, reful
, svintade
, bufade
Cfr. stravint
, stravinte
, aiar1
, vint
, bave
-
passaç o flus ancje di alc che nol sedi aiar:
il bâr sot i pîts al slacâ tune bugade di turbit, e Vergjilio al plombà te Ledre (Riedo Pup, Vergjilio)
-
s.f.
aiar cjapât fûr o mandât dentri cul respîr:
puare Mabile! E filave, e faseve sù acis sul davualtedôr, tirant il flât a bugadis faturosis (Maria Forte, Mabile la Lunghine)
-
cuantitât di fum tirade sù o soflade cuant che si fuma:
"Tirìn fûr la pipe cumò!" dôs bugadis a plen (Dolfo Zorzut, No je plui vive);
"E alore tu sês simpri a bruntulâ! Zarde bastarde: un pôc di snait, Pidins! Tu podevis dâ une bugade di plui a chel canon di nossere!" (Stiefin Morat, Donald dal Tiliment)
Sin. tîr
, tirade
Cfr. fumade1
, pipade
-
s.f.
(fig.)
rivâ imburît di alc, sedi materiâl che imateriâl, manifestazion avonde svelte di alc, cuntun principi e une fin avonde definîts:
chê lûs tai voi di Guri e jere une bugade di sperance (Dino Virgili, La aghe da pît la cleve);
ce bugade di ricuarts fra la vee e il sium (Pieri Somede dai Marcs, Sant Simon: 28 di Otubar 1917);
e ce vuere! Dut il mont al jere scjassât di une bugade di distruzion criminâl (Pieri Menis, Sul agâr)
Sin. butade
-
s.f.
cuantitât di personis o robis, ancje imateriâls, che a rivin o a sucedin intune volte:
di là de paradane lis Esseessis ju fasin jentrâ [i ebreus] a bugadis di un trente, cuarante ae volte (Ivano Urli, Storie di Vera)
Sin. butade
Polirematichis e espressions idiomatichis