reful  /rè-/  re|ful  [CO]

  1. s.m. soflade, colp, passaç di aiar o di alc puartât dal aiarsofle un reful di vint, / la lune sot un nûl neri si scuint (Pieri Çorut, La gnot dei muarts); oh, che un reful di aiar nestri / nus darès cetant solêf, / un gloç sôl des nestris aghis / studarès la nestre sêt (Ercole Carletti, Il cjant de lontanance)
    Sin. buf1 , sofli , soflade , aiarade , bugade1 , svintade , bufade
    Cfr. stravint , stravinte , aiar1 , vint , bave
  2. s.m. (fig.) jentrade o passaç di alc, ancje imateriâlcu la sô salût e la sô sane ligrie, al puartave un reful di zoventût in cjase (Roberto Ongaro, Cretevierte)
    Sin. bugade1
  3. s.m. espression, azion o reazion imburide e infogade che e pant une emozion, un umôr, une voie e v.i.i vignì scûr davant i voi: la muart a si sarès spietade, ma no di sintî chês prodecis de sô femine. Ma la biele a fo che ancje a lui, passât il prin reful, i saltà l'estro di volê lâ a dâ une ocjade a chel paîs maraveôs (Luigi Gortani, Un paîs misteriôs); "Vidìnti li, 'sia, semût che tu sês... Mostrimi [lis parts intimis]!" "Cje po! Ce reful! Sêstu mat, snacai!" si sustà jê "Va vie! Va abàs, mars!..." (Dino Virgili, La aghe da pît la cleve); mai une volte che in vite sô al vedi vût un reful cuintri de male sorte (Enrico Martina, Ricuarts e inlusions); se i salte il reful di lâ a balâ nissun lu ten (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
    Sin. capriç , creste , fantasie , menade , tîr , voie , tic2
    Cfr. sbroc , estri
  4. s.m. toc di alc, soredut di polentea pena parât jù chel reful di polenta e formai, al è partît da la banda da la cjasa da la marosa (Ovidio Colussi, Il pilustrât)
    Sin. ruf