reazion
/-òn/
re|a|zi|on
[AF]
-
s.f.
azion fate tant che rispueste o consecuence di une altre:
si è parfin tacât a cjacarâ de autogjestion popolâr tes tendopolis, ma si continue a sotstimâ la impuartance di cheste reazion sociâl al traume coletîf [dal taramot] (Igor Londero, Cuintristorie dal taramot);
la dissipline e jere tremende, bastave un piçul fal par scjadenâ la reazion plui violente (Max Mauro, Buchenwald 1944);
la ocupazion dal Friûl par man di Vignesie e scugnive fâ nassi fuartis reazions (Josef Marchet, Cuintristorie dal Friûl fin sot la Italie)
Sin. repliche
, rispueste
-
s.f.
[TS]
stor.
inte ete de Restaurazion, moviment politic che al voleve tornâ aes formis politichis di prime de Rivoluzion francese
-
polit.
posizion politiche ultraconservadore e complès des fuarcis politichis e dai grups di interès che a tegnin chê posizion:
la prevalence di un partît o di chel altri, di une criche di diestre o di çampe, de democrazie o de reazion (Josef Marchet, Il fiar dal ciroic)
-
s.f.
[TS]
chim.
trasformazion di une o plui sostancis in altris diviersis par aspiet chimic:
a jerin cognossudis lis reazions di ossidazion e riduzion des sostancis chimichis studiadis intal funzionament des pilis eletrichis (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
l'idrogjen al à fat reazion cul aiar provocant une esplosion (Alessandro Pascolini, Il disastri de centrâl nucleâr di Fukushima Dai-ichi)
-
s.f.
[TS]
med.
rispueste dal organisim a di un stimul che al ven di fûr:
"O ai vût mâl", al trabascjà Pieri, "ai butât fûr, o ai mangjât vadì masse a la svelte, e il cjalt al à di vêmi fat reazion…" (Amedeo Giacomini, Tal ospedâl)
-
prove tai esams clinics par indicâ la rispueste de aplicazion di une o plui sostancis su campions di materiâl biologjic
-
s.f.
[TS]
sport
spec. tal balon, iregolaritât fate di un zuiadôr che si svindiche di un fal che al à patît
Polirematichis e espressions idiomatichis