rispueste
/-ué-/
ris|pues|te
[FO]
-
s.f.
ce che si dîs o si scrîf in reazion a une domande:
tu mi âs parât ator, di une setemane in chê altre, e tu mi âs zurât che par vuê tu varessis pensât sù e tu mi varessis dade la rispueste (Anute Fabris, A passe la scalmane);
dal prin ricors no si à vude rispueste (Alviero Negro, Int di masnade);
cuant che i fui da pe da clevo / scomençai a domandâ: / "Dulà ese la mê puemo / che incuintro no mi ven?" / La rispuesto mi fu dado / dal gno grant e cjâr amì: / "La tô puemo è maridado / cuntun ati dal paîs (Popolâr, Da pe da clevo)
-
soluzion che si cjate rispiet a un probleme, a une cuistion:
nol saveve dâsi pâs il puar frutat. Sal domandave cence savê cjatâ une rispueste, in ce che al veve sbaliât so pari (Pieri Menis, Chei di Muraie);
la int e cjaminarà o viers Sant Jacum o viers di altris lûcs sants a cirî la stesse rispueste ai problemis de esistence umane (Antoni Beline, Sant Jacum, là che al finìs il mont)
-
s.f.
ce che si dîs rispiet a une domande, ma cun pocje creance o cun pôc rispiet:
alore i dîs: «Sì signore, ma chel i tocje a Toni e no a mi» e je, rabiose: «Rispuint, sâstu.. o soi stufe di sopuartà rispuestis, sâstu.» (Pieri Somede dai Marcs, Lassait che mi sbrochi!)
-
s.f.
reazion, ancje no a peraulis:
e je stade une serade particolâr: o vin vude une biele rispueste de int (Christian Romanin, Amato De Monte: Il Friûl, patrie des bataiis di civiltât)
Sin. reazion
-
event che al sodisfe:
il socialist Remigio Blason, muart a 24 agns in Sardegne, […] fin tal ultin nol mole i siei ideâi e al spere te rivoluzion che e darà rispueste "aes justis rivendicazions dai popui" (Carli Pup, La seconde Irlande)
Sin. sodisfazion
-
s.f.
[TS]
sport
colp o tîr fat in reazion a un dal aversari
-
tal tenis e tal volleyball, colp di bale che si fâs sul tîr di batude dal aversari
-
s.f.
[TS]
mus.
te fughe, il tornâ a cjapâ sù il teme principâl de bande des vôs che lu intonin pe seconde o pe cuarte:
la rispueste reâl e imite il teme cemût che al è, la rispueste tonâl lu cjape sù e lu modifiche
-
s.f.
[TS]
lit.
te salmodie responsoriâl catoliche, rispueste dal côr ae vôs dal solist
-
s.f.
[TS]
biol.
ogni procès organic che al ven daûr di une stimolazion naturâl o artificiâl esterne:
brincâ un tocut di mangjative o pûr un ogjet gjeometric e prodûs la stesse rispueste neuronâl (Giacomo Rizzolatti, Laila Craighero, Speculazions su la origjin dal lengaç)
-
s.f.
[TS]
med.
ogni reazion di un orghin a un intervent terapeutic o sperimentâl
-
s.f.
[TS]
etol., psic.
ogni reazion a une solecitazion ambientâl
-
s.f.
[TS]
tecn.
compuartament di un aparât cuant che si variin lis cundizions di funzionament
Proverbis:
- dal muart no rispueste, dal avâr no gratitudin
- dutis lis letaris no van a la pueste, dutis lis peraulis no mertin rispueste
- ogni domande no merte rispueste
- ogni peraule no merte rispueste