procedi
/-é-/
pro|ce|di
[AF]
-
v.intr.
lâ indenant, movisi di une bande:
procedi sui 48 chilometris cuntun disnivel di 2.504 metris al da pardabon grandis emozions (Janez Erat, La plui grande aree alpine sot tutele)
Sin. avanzâ
, cjaminâ
, marcjâ1
, movisi
, seguitâ
, lâ indenant
, lâ dilunc
, tirâ dilunc
, tirâ indevant
-
v.intr.
lâ indenant cuntune azion, ativitât e v.i.:
in politiche si à di contentâsi di fâ ce che si pues e procedi un pas a la volte (Adrian Cescje, Memoriis di politiche linguistiche)
Sin. avanzâ
, seguitâ
, lâ indenant
, lâ dilunc
, tirâ dilunc
, tirâ indevant
-
vê une cierte maniere di fâ une azion o ativitât:
cumò al veve di cuietâsi, di no pierdi il cjâf e di procedi cuntun ordin meticolôs (Fabian Ros, Un piçul particolâr)
-
v.intr.
tacâ a meti in vore une azion, une ativitât:
si veve procedût a internâ chês personis che a vignivin consideradis pericolosis (Carli Pup, La seconde Irlande);
si procêt ae desalinizazion (par osmosi invierse) par produsi aghe frescje di riciclâ (Alessandro Pascolini, Il disastri de centrâl nucleâr di Fukushima Dai-ichi)
Sin. passâ
, metisi
-
v.intr.
[TS]
dir.
inviâ une azion legâl cuintri di cdn.:
"No vuei che a si procedi cuintri lis personis che a àn imbastît chest intric…" (Pieri Piçul, Vieri e gnûf)
-
v.intr.
lâ indenant cuntune cierte evoluzion, trafile e v.i.:
la atuazion de L.R. 29/2007 in chest cjamp e procêt masse a planc e cence chê strategjie operative (Marc Stolf, Masse planc e cence plans. L'ûs public de lenghe furlane)