marcjâ1
mar|cjâ
[AF]
-
v.intr., v.tr.
cjaminâ cun pas regolâr e misurât:
o marcji par stradis mai viodudis, cun pas franc e sigûr, ancje se el cûr al è ansiôs (Arturo Feruglio, Viaç a Vignesie);
soldâts che no vevin cjavai ma che a marcjavin svelts cu la sclope che lusive al soreli (Stiefin Morat, Microrivoluzions)
-
v.intr.
lâ svelt di cualchi bande o lâ vie:
"Zuanut! O Zuanut! Marcje a cjase mo!" (Luigi Gortani, Sant Pieri e la code da vacje)
Sin. lâ vie
, cori
, partî1
, lâ
, vignî
-
(fig.)
in formis interietivis, par dî che no si crôt a alc, par riclamâ, cridâ, menaçâ e v.i., in maniere plui o mancul serie o scherçose:
"E pûr vus al zuri che jo le ai vidude mai modant biele come un agnul e che e pareve plui bon di tantis che a 'nd è passadis." "Marcje, matarusse! Âstu voie di cjolinus vie?" (Catarine Percude, La plui biele)
-
v.intr.
movisi indenant, ancje no cjaminant:
al jevave sù dal mâr un aiarin zentîl e traviarsade la planure marcjave a cavalot de Bût (Catarine Percude, Lis striis di Gjermanie);
la gondule e marcje une vore planc (Arturo Feruglio, Viaç a Vignesie)
Sin. cjaminâ
, lâ indenant
, lâ
, cori
-
v.intr.
(fig.)
procedi, lâ indevant cuntune dinamiche positive:
"Ca benedet, si marcje a la grande […]" (Pieri Somede dai Marcs, Un pugn di moscjis);
o vês cûr di dî che dutis lis latariis a son camarins di spongje pai casârs e pai presidents: e invezit - al dîs Agnul - a saran siet vot, in Italie, lis latariis che no marcjin (Riedo Pup, Filosofie padronâl)
Sin. cjaminâ
, lâ
, lâ dret
, stâ in cjaradorie
, stâ in rime
, stâ in stangje