costumance /-à-/ cos|tu|man|ce [CO]
-
s.f.
ce che al ven fat lant daûr di ce che si à simpri fat, ancje tes gjenerazions passadis:
a tornavin a florî te cjase antighe lis costumancis vieris di famee (Dino Virgili, La aghe da pît la cleve);
la glesie no à nuie di rimproverâsi se e à cjapade une costumance paiane, o miei naturâl, e i à dât un significât cristian (Antoni Beline, Rogazions)
Sin. rituâl , ûs1 , usance , tradizion , costum
Var. custumance