Dizionari de Lenghe Furlane

intim  /ìn-/  in|tim  [AF]

1. adi. che al è o che al rive indentri, soredut te personalitât, te psicologjie o tai sintiments:  cuistions personâls, che a tocjin la part plui profonde e intime de persone e duncje no son sogjetis ni a classificazions ni a etichetis (Antoni Beline, I furlans e il templi); la sô vite lui le à vivude ad in plen fintremai tes pleis plui intimis, par dopo contâle tes sôs poesiis (Roberto Iacovissi, Ricuart di Medeo Giacomini)
   
   1. s.m. part plui interne, profonde, personâl:  ai pôre che dal intim podedin scjampâ chei cjants timorôs, / dentri di me platâts (Stefano Lombardo, Svint in paîs)
2. adi. che al è leât cun ce che al è plui profont, centrâl, naturâl, essenziâl:  se un i ten a jentrâ tal significât intim dal lavôr, lu consei di tornâ a passâ il prin cjapitul, dopo vê finît di lei il libri (Tarcisio Mizzau, “Il fros curt”, tragjedie furlane di un timp tormentât)
3. adi. caraterizât di un leam personâl profont:  al pues someâ strani, ma chel stâ insiemi trê o cuatri oris, lavorant a cidin , passantsi imprescj e scambiantsi in dut mieze cjaçade di peraulis, a son tra i moments plui intims che o ricuardi cun gno pari (Igor Londero, Un blanc e un neri)
   
   1. adi., s.m. che, cui che al à un leam personâl profont:  un amì intim (Linda Picco, Il progjet “Sportis”: promozion de lenghe furlane e indagjin su lis imagjins mentâls tra i students de Universitât dal Friûl)
4. adi., s.m. di blancjarie di persone, che si met a contat cu la piel:  modelis di blancjarie intime (Elena Zanussi, Gjelogjichementri irefrenabil)
5. adi. dai gjenitâi,:  si sentavin cu lis cotulis alçadis su la jerbe bagnade cul fin de fertilitât pes parts intimis (Mario Martinis, Sant Zuan)
   
   1. pai gjenitâi:  [...] la leç che e previôt par dutis lis feminis la disponibilitât sore nuie dai assorbents intims (Marc Stolf, Il primât di civiltât de Scozie e la poie de Gjermanie al Minority SafePack)