Dizionari de Lenghe Furlane

vivarôs  vi|va|rôs  [AF]

1. adi. di cdn., plen di energjie, di buine voie, di ligrie:  a jerin za grîs di cjavei, cun cualchi grispe sù pe muse, ma ancjemò vivarôs come zovenots (Pieri Menis, Chei di Muraie); un puieri, fresc e vivarôs tant che l'arint vîf (Josef Marchet, Lis predicjis dal muini); canaie nudride cun ce che si intopave, ma vivarose e cun dincj mastieclauts di fâ gole… che dut ur faseve pro (Maria Forte, La rive di Sant Pieri)
   Sin. atîf , ferbint , gaiarin , gaiôs , gjubiâl , gjubil , morbit , pevarin¹ , sbîr , sgai , slançôs , sveât , vitâl , morbinôs
   
   1. che al mostre o che al derive di energjie vitâl, fuarce, snait e v.i.:  fevelant di robis che e cognòs, la sô vôs e devente vivarose (Alan Brusini, Gian Paolo Linda, I forescj)
2. adi. ancje di alc di inanimât, plen di energjie, fuarce, moviment e v.i.:  cheste sostance [il fosfar] a contat cul aiar e prodûs une flame vivarose (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
   Sin. disfogât , fogât , infogât , lusint , sflandorôs , sfogât , vîf , fuart¹ , ferbint
   
   1. di event, ambient, societât e v.i., plen di ativitâts e di stimui:  une citât vivarose e plene di energjie li che no si stufisi mai (Dree Venier, Dal "Stellini" aes termis a Porta Romana); une propueste culturâl siore e vivarose (Redazion SFF, Setemane de Culture Furlane 2020, belanç finâl)
3. adi. di lûs, colôr e sim, che al à fuarce, sflandôr:  l’artist [il Quaglio], cuntune impagjinazion plui ariose, i colôrs vivarôs e il dissen mancul gnervôs che al sa otignî, al precêt il Rococò (Bepi Agostinis, Storie de art in Friûl)
   Sin. brilant¹ , disfogât , ferbint , fogât , gaiarin , infogât , lusint , lusorôs , lustri¹ , morbinôs , scjassôs , sflandorôs , sfogât , slusint