Dizionari de Lenghe Furlane

lusint  /-ì-/  lu|sint  [AF]

1. adi. che al fâs lûs, che al ilumine:  ancje jo o dismontavi di chê bande, lassade la strade di Flaipan, cul soreli in muse, cjalt e lusint (Adrian Cescje, Memoriis di politiche linguistiche)
   Sin. brilant¹ , luminôs , sflandorôs , lusorôs , slusint , splendent
   
   1. che al riflet, che al rimande la lûs:  tai voi lusints di lagrimis si spieglavin i fûcs lontans (Roberto Ongaro, Cretevierte); scarputis, lusintis come spiei (Pieri Menis, Nadâl ancje par Gjelmin)
      Sin. lustri¹ , slusint , lusignât , slusignât , splendent
   2. trasparent, che al lasse passâ la lûs:  il soreli, di un cîl net e lusint, al iluminave la tiere che e polsave (Pieri Menis, Il «pigjama»)
      Sin. slusint , trasparent , net , clâr , limpi , lampit

Proverbis:

• Sant Pauli lusint, tante paie e tant formint
• soreli lusint: o ploie o vint