luminôs
lu|mi|nôs
[AF]
-
adi.
[TS]
fis.
di lûs, de lûs, relatîf ae lûs tant che ent fisic:
il voli uman, pûr jessint un bon rilevadôr di intensitât luminose, nol rive a cognossi la polarizazion de lûs (Marisa Michelini, Alberto Stefanel, La polarizazion de lûs)
-
adi.
che al ilumine, che al fâs lûs:
il soreli al deventave simpri plui luminôs e cjalt (Agnul di Spere, Il puint de ledre);
I domandai trop che e jere grande chê stele [Canopus], che, de Tiere, e somee la plui luminose dopo di Syrius (Checo Tam, Sense)
Sin. slusint
, lusorôs
, sflandorôs
-
che al è plen di lûs:
o jentrai te sale cui barcons che a cjalin su la plaçute luminose che o vevi traviersade maimodant (Agnul di Spere, Un de maiorance);
ce matinadis di aur e ce bielece / sore chê rive cjalde e luminose / che a nus jemplave il cûr di contentece (Mario Argante, Sul Calvari)
Sin. iluminât
, slusorât
, lusorôs
, clâr
-
che al è clâr, che al riflet la lûs:
a risaltin la vene narative e la atenzion de realtât di ogni dì, cuntun colôr luminôs (Bepi Agostinis, Storie de art in Friûl)
Sin. clâr
, inceôs
, sflandorôs
, lusorôs
-
adi.
(fig.)
che si pues paragonâ cu la lûs, par une cualsisei cualitât positive:
al à lassât ae so famee splendôr, / e ricjece di onôr, / a la patrie un esempli luminôs, / pal presint, pal futûr, / di caritât, di nobiltât di cûr (Pieri Çorut, In muart di Mons. Tomadin);
une figure tra lis plui luminosis tal panorame de culture in Friûl (Alessio Screm, Cungjò, mestri Canciani)
Sin. sflandorôs
, lusorôs
-
une vore positîf, une vore favorevul:
di là di cheste cariere biele e luminose, che e à dât lustri a dute la nestre regjon, il professôr Di Prampero in plui ocasions si è ancje dimostrât atent e sensibil al teme de lenghe furlane (Margherita Timeus, Il salût a Enrico Di Prampero);
a Pieri i ven sù une idee luminose e al decît di profitâ di cheste ocasion (Toni Bidel, Lis baronadis di Pieri Furducje)