Dizionari de Lenghe Furlane

slusint  /-ìnt/  slu|sint  [CO]

1. adi. che al fâs lûs, che al ilumine:  Belen, il soreli slusint, al ven preât fintremai tes epigrafis di ete romane, soredut inte zone furlane e te Galie meridionâl (Sandri Carrozzo, Jenfri vîfs e muarts); un mulignel di faliscjis slusintis (Renzo Balzan, Il lasimponâr)
   Sin. brilant¹ , luminôs , sflandorôs , lusorôs , lusint , splendent
   
   1. che al riflet, che al rimande la lûs:  tantis bufulis di savon slusintis (Mario De Apollonia, Il timp par ledrôs); e fâs di sì cul cjâf, cjalant sô sûr tai voi, slusints di lagrimonis (Raffaele Serafini, Altris contis di famee)
      Sin. lustri¹ , lusint , lusignât , slusignât , splendent
   2. trasparent, che al lasse passâ la lûs:  il cîl si impâr dut biel e slusint dopo che i aiars di Març lu àn netât (Lelo Cjanton, Il Strolic furlan pal 1965)
      Sin. trasparent , net , clâr , limpi , lampit , lusint