brilant1
/-ànt/
bri|lant
[CO]
-
adi.
che al slûs, che al mande o che al rimande la lûs:
e di stelis il cîl brilant si fe (Zuan Josef Busiç, La Gjeorgjica di Virgjili);
"Po ce mai esal chest clap tant brilant e che al slusìs al impâr dal soreli?" (Renzo Balzan, Il cret di aur)
Sin. slusint
, lusint
, lustri1
, sflandorôs
, lusorôs
-
adi.
che si fâs notâ par cualitâts, risultâts, inteligjence e v.i. parsore dal normâl:
la strada aviarta par una cariera brilanta (Ranieri Mario Cossâr, Olga, se enigma);
pre Bepo Marchet, l'alter ego di Marchi e il penâl plui brilant e spiçât dai autonomiscj (Antoni Beline, La mari spirituâl de Patrie)
Sin. ecelent
, famôs
, otim
, straordenari
-
adi.
di spetacul recitât, che al è lizêr e di ridi, cun ritmi vivarôs:
ta prime serade la compagnie teatrâl […] e puartarà la comedie brilante "Mi tocje ancje paiâ las tasses" (Acetosella, 31a Rassegna dal Teatri Furlan - Voleson 8-15-22-29 Novembar)
-
adi., s.m.
di atôr, che al fâs parts in chel gjenar di spetacul:
in cheste compagnie al lavore come prin atôr brilant Sandro Angiolini (Bepi Agostinis, Storie e cronistorie dal teatri in Friûl)