Dizionari de Lenghe Furlane

morbit  /mò-/  mor|bit  [AF]

1. adi. spec. di animâl, plen di morbin, di fuarce di empit:  cui no si visial dai cjavai di Silvio Gosparin? Lustris e petenâts che tu podevis spieglâti intor. Simpri morbits e braurins (Riedo Pup, I furlans e lis bestiis); «Vignît, Vigji, che us mostri la Stele» dissè Ulive «no je mai morbide, no va mai fûr, e a disin che no je par nuie plene» (Maria Forte, La tiere di Lansing); puieris che saltelavin morbits traviars la rêt dei canaluts di chês praderiis largjis e viartis (Federigo Comelli, Il me paîs)
   Sin. imburît , slançôs , ferbint , fogôs , infogât , ardint , viament
   Var. muarbit , norbit , mormit
   
   1. s.m. fuarce e empit:  il cjaval, inferât là dal Mardar, foragjât a lunc cun blave e vene e snizil di altiûl par dâi il morbit (Alan Brusini, Come tai romançs)
      Sin. snait , morbin , empit , fuarce , viamence
2. adi., s.m. plen di sensualitât:  dut il mût di movisi di chê femine al veve dal morbit, dal lussuriôs (Alan Brusini, Gian Paolo Linda, I forescj)
   Sin. pevarin¹ , cjalt , passionâl , fogôs , infogât , sensuâl , lussuriôs , morbinôs , sbîr
3. adi. di plante, plene di fuarce, di frascjis, di fueis, di pomis e v.i.:  une vît morbide ma salvadie e cualchi rosâr a fasevin di corone a une sente di len (Gianni Osualdini, Doi meracui); no bisugne ecedi cul acolt, parcè che [i moraruts] cressint trop morbits, no fasin buine riusside cuant che si traplantin in teren trop magri (Giuseppe Ferdinando del Torre, Il contadinel. Lunari par l'an bisest 1856)
   Sin. fecont , fertil , frutifar , produtîf
4. adi. di tiere, che e fâs cressi ben lis plantis:  cheste citât e je logade intune morbide "huerta", pôcs chilometris lontan dal Mediterani (Agnul di Spere, Valencia)
   Sin. frutarûl¹ , frutifar , gras , siôr , ric , fecont , fertil
5. adi. di cundizion meteorologjiche, che e puarte umiditât o ploie
6. adi. che nol è dûr, che al cêt, al mole o al cambie di forme sot di une pression o di une fuarce:  chei voi cussì vîfs, chê musute tant fine, / chel çuf di cjavei cussì morbit e biont (Zuan Lurinçon, Il jet antîc di famee); un tapêt di lana, morbida e fofa (Alberto Luchini, Friguia)
   Sin. molisin , molisit , mol¹ , fof , tenar
   
   1. (fig.) caraterizât di delicatece, lizerece, armonie di aspiet, forme, moviment, savôr e v.i.:  o sint sì, la sô vôs morbide e lizere come il vison (Pieri Piçul, Vieri e gnûf); bevìn ramandul / sù a Torlan / clâr come la ambre / morbit e san (Pieri Somede dai Marcs, Eviva il blanc!)