Dizionari de Lenghe Furlane

sbîr  sbîr  [CO]

1. s.m. (pop., spres.) cui che al servìs te polizie o in cuarps di vuardie al servizi dal podê politic:  a sunavin fintremai lis cjampanis par visâ che i soldâts o i sbirats a jerin daûr a rivâ (Angelo Floramo, La cuintristorie de ocupazion veneziane)
   Var. sbiri , sbiro
   Cfr. manigolt , bric¹ , çaf
2. adi., s.m. che, cui che si compuarte cun ecès di vivôr, impertinence, prepotence, mancjance di rivuart e v.i.:  "Je stade ca juste cumò chê sbire di Santine" (Bruno Paolo Pellarini, Comari 'Sese)
   Sin. insurît
   
   1. che al mostre ecès di vivôr, impertinence, prepotence, mancjance di rivuart e v.i.:  un fantacin cui cjavei neris riçots e voi sbîrs (Jolanda Mazzon, Cungjò Friûl)
3. s.m. [CO, TS] ornit. uciel migradôr che si somee cu la cisile, scuasi dut neri, clâr sot dal bec, cu la code avonde curte, lat. sient Apus apus:  i sbîrs che stevin ancje lôr cuiets su la crôs in alt dal tor, come la tampieste si butin di ca e di là (Dolfo Zorzut, La furlane)
   Sin. rondon

Proverbis:

• cjar di sbîr trê bêçs la lire