Dizionari de Lenghe Furlane

manigolt  /-ó-/  ma|ni|golt  [CO]

1. s.m. par antîc, soldât ai ordins di un siôr o di une comunitât, incjariât soredut di imponi l'ordin public, il volê de autoritât o ancje di eseguî i suplizis:  il cjistiel cui manigolts che a fasin la vuaite cul spiçot su la spale (Josef Marchet, Lis predicjis dal muini); el nestri bon Signôr al è distirât su la crôs. I manigolts a jan za in man clauts e marcjel (Dolfo Zorzut, Lis fucsiis); [i nobii] si cjatavin a Cividât e, ai 5 [sic] di Jugn dal 1350 te planure di S. Zorç de Richinvelde insieme cui lôr manigolts, i devin aduès al Patriarcje (Bepo Marion, Il Beât Beltram)
   Sin. sbîr , çaf²
   Cfr. bric¹
2. s.m., adi. (ancje iperb.) persone cence onestât e cence scrupui, pronte a fâ dal mâl a chei altris, a robâ, a imbroiâ, a maltratâ e v.i., ancje tant che ofese gjeneriche:  «Ven jù di li, manigolt!» [a un frut che al robave cjariesiis] (Cristina Noacco, Faliscjis); o che jo a chel manigolt gjavi la plucja! (Zuan Josef Busiç, La Eneide di Virgjili); il paron di cjase Rusin al salte fûr dal porton porconant e businant plen di madonis cuintri chei bastarts, maledets, galeris, manigolts che se us cjapi! (Laurin Zuan Nardin, Impresis); chei de armade russe. Fantarie, artilierie, sussistence, int une vore mancul manigolde dai cosacs (Alan Brusini, Un dai pôcs)
   Sin. baron , canaie , cjamoie , criminâl , ferabut , forcje , fotût , galere , galiot , lazar , lazaron , ligjere , ludro , maçât , malintindût² , rem di galere , ribalt , salabrac , picjât¹ , delincuent , brigant , furfant , bricon