Dizionari de Lenghe Furlane

baron  /-òn/  ba|ron  [AF]

1. s.m. [AF, TS] stor. feudatari medievâl dal nivel plui alt, invistît dret dal sovran:  inte seconde metât dal XIII secul, il consei dal re al cjape il puest de curia regis e al puest dai barons si insedin personalitâts competentis in materie aministrative, politiche e juridiche (Fabian Ros, La invenzion dal stât)
   
   1. nobil di nivel plui alt dal cavalîr e plui bas dal viscont:  il re al clame conts, barons e siorons (Andreina Nicoloso Ciceri, Maletegne - Racconti popolari friulani I)
2. s.m. cui che intun ciert ambient al à un alt podê jerarchic:  stant al costum academic, a pativin la sudizion dal baron di catidre e no si saressin mai plui impensadis di deludilu (Adrian Cescje, Memoriis di politiche linguistiche)
3. s.m. (ancje scherç.) cui che si compuarte mâl, cuintri des regulis de societât, de creance, dal rispiet di chei altris o cui che al fâs imprudencis o aventuris, ancje tant che ofese gjeneriche:  oms e feminis di ogni lenghe e fate, sants e barons, devots e imbroions, penitents e profitadôrs (Antoni Beline, Sant Jacum, là che al finìs il mont); "Va là, va là, baron: tu lavoris par la sensarie, tu!" (Anute Fabris, A passe la scalmane)
   Sin. birbant , furfant , ferabut
   
   1. adi. tipic di cui che si compuarte mâl:  la indule barone di chel fi le ai cognossude fin di frut cuant che al clapadave i sclagarûi e i sisilots tal nît e si difindeve cun bausiis (Maria Forte, La tiere di Lansing)

Polirematichis e espressions idiomatichis

• baron di place loc.s.m.
• baron fotût loc.s.m.

Proverbis:

• il trist che si fenç bon al è un grant baron