brigant
/-ànt/
bri|gant
[AF]
-
s.m.
spec. par antîc, cui che al assaltave e che al faseve rapinis:
la strade di Visc a Codroip e jere di fat malsigure par vie dai brigants (Pierluigi Visintin, Friûl e furlans te Histoire de ma vie di Giacomo Casanova);
i furlans no puedin fâ di mancul di colegâ chei imprescj alì [lis armis] cui delincuents, cui brigants, cui laris (Riedo Pup, I furlans e lis armis)
Sin. bandît
, sassin
, sassin di strade
-
[TS]
stor.
membri de resistence borboniche dopo de unificazion de Italie:
il brigadîr talian, cu lis strissis rossis jù pai bregons e lis stelis di arint denant dal cuel, al fevelave di brigants de Basse Italie (Dino Virgili, La aghe da pît la cleve)
-
s.m.
(ancje scherç.)
persone disoneste, o che e fâs alc che no si varès di fâ, ancje tant che tiermin di ofese gjeneriche, ancje lizere:
visiti, tu, brigant: di me no tu varâs nancje un carantan! (Gianni Gregoricchio, Trê feminis);
sango brigant, e ce caz puedio dîti jo? (Stiefin Morat, Donald dal Tiliment);
"Ce… cui isal… Anzuline e Bepo… Mostros di brigants…" (Pieri Somede dai Marcs, Ursule)
Sin. baroncel
, berechin
, briconut
, discul
, matucel
, ferabut
, ligjere
, birbant
, birbon
, forcje
, galiot
, maçât
, manigolt
, rem di galere
, toc di picjât
, blave
, lane
, plume
Proverbis:
- il brigant e il viandant a stan simpri cu la pôre