lane
la|ne
[AF]
-
s.f.
pêl di pioris, cjavris e o altris animâi, e fibre, fîl o tiessût otignût di chel pêl tosât e lavorât:
di colp une piore, po une altre, po altris inmò, alçant il cjâf riçot di lane, si meterin a clamâ i agneluts (Pieri Somede dai Marcs, Clâr e scûr);
une dì e consegne ae fiastre cetante lane e a i dîs: "[…] puare te se cheste sere tu tornis dongje cence vê filade e daspade dute cheste lane" (Luigi Gortani, La fie e la fiastre);
un pâr di cjalçuts di bavele, une scufe e une siarpe di lane di piore, scjarpide e gucjade de sô femine (Alviero Negro, L'usurâr)
-
complès di fibris finis e fofis che a formin come un vilût in cierts tiessûts:
lis sortis di pano no olsin a vignî scartaçadis cun un scartaç dûr, parcè che chel al cjol via la lana e prest si viodin i fîi (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. lanete
-
s.f.
complès di filaments che a cuvierzin ciertis plantis o parts di plantis:
la lane de stele di mont
Sin. lanete
-
s.f.
(estens., ancje scherç.)
cjavei o pêi di une persone:
"Scusimi se ti fâs une domande personâl ma tu… ti tosistu chê lane che tu âs ta chel puest alì?" (Checo Tam, Ecstasy)
-
s.f.
(fig.)
persone furbe, triste, dificile, che al è miôr no vê a ce fâ cun jê:
se al cognossès mê brût! / Ce lane! Velen rût! (Zaneto, Lis babis)
Sin. blave
, fiube
, plume
Polirematichis e espressions idiomatichis
Proverbis:
- cuant che il cîl al è dut a lane, la ploie no je lontane
- e je triste la lane che no si po filâ
- il cîl al è dut a lane, la ploie no je lontane
- miôr dâ la lane che no la piel
- miôr dâ la lane che no la piore
- miôr pierdi la lane che no la piore
- muarte la piore e je finide la lane
- no si po vê piel e piore e lane parsore
- no stâ tosâ il mus par vê la lane
- nûl a lane al po durâ une setemane,