canaie
/-nà-/
ca|na|ie
[AF]
-
s.f.
coletîf di fruts:
co si jere canaie, il prin dal an, si tacave di biele buinore a cori dai nonos, dai santui, dai barbis e dâur il bon principi (Josef Marchet, I siops);
il mestri […] al cirive cui voi, tra la canaie ferme tai bancs, cualchi mot fûr dal ordenari, par capî cui che al podeve sei stât il trist (Maria Forte, La aghe dal Ariul)
-
i fîs:
finît il rosari in chê sere e metude a durmî la canaie, la cjase e jere restade cidine (Pieri Menis, Il pignarûl);
no viodêso ce canaie magagnade, sturnide, mâl fate, che us nas par colpe dal bevi masse? (Josef Marchet, Lis predicjis dal muini)
-
s.f.
(oc.)
frute, fantate viôt canai
:
a era na canaa sul flurî e ducj a erin restâts cunturbâts a jodala distirada su la brea cu la musuta che a pareva inmò cjalda e i lavris vîfs (Novella Cantarutti, Il Crist sclagn)
-
s.f.
persone disoneste o buine di fânt di ogni colôr:
"Tâs tu… canaiis e birbantis a son, larai a clamâ lis vuardiis par violato domicilio" (Pieri Somede dai Marcs, Cjase di fitâ);
"Nol è une canaie a fâ ce che al fâs? A mandà in malore la famee? […]" (Anute Fabris, A passe la scalmane)
Sin. bandît
, baron
, birbant
, birbon
, brute figure
, fece
, forcje
, galiot
, garlat
, imbroiadôr
, imbroion
, ligjere
, maçât
, manigolt
, rem di galere
, sborât
, sfondron
, smafar
, toc di picjât
Proverbis:
- a impaçâsi cun canaie, la mignestre e pie di fum
- a impaçâsi cun canaie, si piert dute la virtût