Dizionari de Lenghe Furlane

ric  ric  [AF]

1. adi., s.m. che, cui che al à tancj bêçs, bens, proprietâts:  finalmenti si avicinava il funerâl acompagnât da lis primis autoritâts e dai plui rics citadins (Zuan Luîs Filli, Il grant citadin)
   Sin. abenât , facoltôs , siôr
   
   1. che al è caraterizât di alt valôr, cost, cualitât e v.i.:  dute chê piere serene sacomade e picade ben a spigui vîfs e di colôr clâr, e jere la part ricje de cjase (Maria Forte, Cjase di Dalban)
2. adi. che al è in cuantitât grande o che al forme une cuantitât grande:  la paie e je ricje e il mangjâ di siôrs (Maria Forte, "Nossent"); i Clevis no jerin notâts di nissune Fradaie di Sants, di Madonis, di Criscj ma a paiavin di istès il cuartês, ancje ric (Dino Virgili, La aghe da pît la cleve)
   Sin. bondant , consistent , grant , grues , impuartant , siôr
3. adi. che al à alc in cuantitât grande:  ducj saveve in paîs cetant ricje che e jere la sô cantine, e ce formadi che e veve, e ce camarins furnîts (Meni Ucel, Salams); cundut che nol pretindi di sei complet, il dizionari tant e tant al è une vore ric di vocabui (Giorgio Faggin, Par che la lenghe e puedi florizâ)
   Sin. bondant , siôr , cjamât , cjariât , plen
4. s.m. (ancje fig.) ce che al à grant valôr:  une bondance di clâr par ducj i sucrits, che, dut il ric di chês puaris cjasis, e jere chê lûs (Maria Forte, La tiere di Lansing)
   Sin. ricjece

Proverbis:

• agricultôr avâr nol fo mai ric
• cui che al mangje cjar di pic nol devente ric
• il puar content al è avonde ric
• lassimi puare, ti fasarai ric
• nol baste jessi rics par jessi contents
• pic pic, il taiepiere nol deventarà mai ric: finît di picâ, finît di mangjâ
• Sant Jacum e Filip, il puar al coione il ric
• tic tic tic, il muredôr nol vignarà mai ric
• tic tic, il fari nol deventarà mai ric
• trop polsâ e trop durmî al fâs il ric impuarî