interiôr
in|te|ri|ôr
[AF]
-
adi.
dal didentri:
cuant che vegnin dei cjars cjariâts di fen, stran o similis cjossis o pûr un careton cuviart, la vuardia esteriôr aviserà la vuardia interiôr (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
la «regjon» e à i siei confins segnâts de comunance etniche e culturâl, e no po vê gole di fâ vueris par tirâ dentri altre int; e je voltade par didentri, strument di svilup interiôr e pacjific (Josef Marchet, Europe regjonaliste)
Sin. dentri
, didentri
, interni
-
adi.
de psicologjie o de spiritualitât de persone:
di indulà ur vignivie chê serenitât dentri vie che ur leieve intai voi, chê gjonde interiôr che plui che fâju someâ a fantasimis ju faseve parê agnui? (Franca Mainardis, Grivôr);
ma al reste simpri il desert interiôr, là che la anime si inflapìs e e pendole come une plante cence aghe (Antoni Beline, Sant Jacum, là che al finìs il mont)
Cfr. intim
, spirituâl
, psicologjic