Dizionari de Lenghe Furlane

imbecîl  im|be|cîl  [CO]

1. adi., s.m. che, cui che al è une vore pôc inteligjent, ancje tant che titul di ofese:  o soi vieli, furlans, soi lambicât / dai pinsîrs di famee, / cu la sorte che simpri mi sbelee, / e nol è di stupî / se o deventi imbecîl plui ogni dì (Pieri Çorut, Il Strolic mezan par l'an 1866); "Un grant imbecîl chel editôr! Scartâ lis pituris di Daniela!" (Gianni Gregoricchio, Ta chê gnot, lusôr di lune)
   Sin. aloc , baban , balote , basoâl , barbezuan , batecul , batocj , biadin , biât , catùs , cocâl , coion , corli , cudumar , cretin , dordel , gnoc , gnogno , gnognul , gnotul , imbambinît , stupit , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot , talpon , ufiel , tananai , cocòs , codâr , cuargnul , çoçul , cjavon