Dizionari de Lenghe Furlane

cuargnul  /-à-/  cuar|gnul  [CO]

1. s.m. pome dal cuargnolâr, dal arbossit Cornus mas, che si pues mangjâ cuant che e je ben madure o che si dopre par fâ marmeladis, licôrs e v.i.:  a son, daspò, atris pomulutis che la int a si è «dismenteade» di coltivâ […]: i sierbui, il savût (rose e pomule), il melès (in Cjargne a fasevin sgnape), i gnespui, i cuargnui, la ue di cornile (Enos Costantin, Pomulutis)
2. s.m. (fig.) cui che al è une vore dûr a capî lis robis, par vie che al è masse ustinât o parcè che al è pôc inteligjent, ancje tant che ofese gjeneriche:  sul cont di scovâ e netâ e sunâ la cjampane e distudâ lis cjandelis, biât cuargnul, che si distrighi lui! (Josef Marchet, Lis predicjis dal muini); macacat di un cuargnul (Ovidio Colussi, Il pilustrât)
   Sin. aloc , baban , balote , basoâl , barbezuan , batecul , batocj , biadin , biât , catùs , cocâl , coion , corli , cudumar , cretin , dordel , gnoc , gnogno , gnognul , gnotul , imbambinît , imbecîl , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot , talpon , ufiel , tananai , cocòs , codâr , stupit
3. s.m. (pop.) sorenon di chei di Zui
   Sin. cuargnâl , plaçarûl