Dizionari de Lenghe Furlane

cjavon  /-òn/  cja|von  [CO]

1. s.m. (incr.) viôt cjâf :  al è ancje un altri monument grandonon cul cjavon di Marx (Checo Tam, Karl Marx Stadt)
2. s.m., adi. che, cui che al à il cjâf grant, plui grant dal normâl
3. s.m., adi. (incr.) che, cui che al à une grande inteligjence:  Benon! bravissim! ce, cjavon! è vere! / No si po fevelâ miei di cussì (Giovanni Zuttioni, La ploie di aur); i grancj cjavons de sience (Maria Minin Durat, Il gno pradut in timp di Vierte)
4. s.m., adi. (spres.) che, cui che nol capìs nuie, che al è une vore pôc inteligjent:  par fâur capî l'ordin e la dissipline a di chei cjavons che e veve devant ogni dì, l'unic sistema al jere chel di ficjâes dentri a fuarce di pachis (Gianni Gregoricchio, Îr e doman); no finive mai di dîi che al jere un basoâl, un gnogno, un purcjinel, un cjavon, un ôc, un pavêr, un batali, un pipinot (Lelo Cjanton, La sagre di Paulêt)
   Sin. aloc , baban , balote , basoâl , barbezuan , batecul , batocj , biadin , biât , catùs , cocâl , coion , corli , cudumar , cretin , dordel , gnoc , gnogno , gnognul , gnotul , imbambinît , imbecîl , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot , talpon , ufiel , tananai , cocòs , codâr , cuargnul , çoçul , stupit
5. s.m., adi. (pop.) sorenon di chei di Tapoian