Dizionari de Lenghe Furlane

batacul  /-tà-/  ba|ta|cul  [CO]

1. s.m. acessori di puartis o puartons, formât di un toc di metal, dispès lavorât par parê bon, fissât te puarte cuntun cancar o un anel, in maniere che si puedi movi e bati te puarte stesse par tucâ
   Sin. batel² , banducel
2. s.m. strument fat di une sorte di martiel di len che si môf tor di un pivot fissât tune bree, doprât par fâ sunsûr prime di Pasche, cuant che lis cjampanis no sunin:  il plevan al mande a dî che nol bacile di viodi tantis scraçulis e tancj batacui in man ai fruts (Josef Marchet, Lis predicjis dal muini); si jesseve pe prucission cu lis craçulis e i craçolons e i batacui (Meni Ucel, Pasche)
3. s.m. (fig.) persone pôc inteligjente, ancje tant che ofese gjeneriche:  ce pretesis, chel batacul, / di sposâ cuasi sô fie: / al si è fat mo cjoli vie, / di dovêsi vergognâ (Mario Argante, La purcite)
   Sin. simiot , aloc , balote , barbezuan , batali , batocj , biadin , catùs , coion , corli , cudumar , çondar , dordei , dordul , gnoc , gnogno , gnognul , imbambinît , lodul , mamo , marlup , mierli , mincjon , mone , monighe , pantalon , pote , salam , semplon , socol , stupit , totolò , biât , cretin , brocul , incoionît , râf , pistum , sacodâl , sturnel , sturnît , babuin , bacalà , lolo , mauc , basoâl , mus , gnotul , baban , dordel