scuse
scu|se
[FO]
-
s.f.
ancje. tal pl., domande di jessi perdonât:
si fermave li ret cun cualchi mieze peraule di scuse e di repeç come un frut cjatât a robâ la marmelade tal armâr (Alan Brusini, Come tai romançs)
-
s.f.
motîf fals che al justifiche une mancjance, un fal, un alc che al pues jessi criticât o ancje un cualsisei compuartament:
la autonomie speciâl dal Friûl, cuntune scuse cualunche e vignive rimandade sine die (Josef Marchet, E se no nus dassin la autonomie);
plen di anei tai dêts, cul orloi di aur che al tirave fûr dal sachetin cu la scuse di viodi la ore ma in realtât par che ducj a viodessin chê cevole preziose, zale e lusinte (Pieri Menis, Destins);
une dì sì e chê altre ancje, cu la scuse di lâ a informâsi de salût di Eline, Lissandri al lave a cjase di Rufine (Franca Mainardis, Il sium di Lissandri)
Sin. justificazion
, pretest
Polirematichis e espressions idiomatichis
Proverbis:
- cui che i pese di lavorâ al cîr ogni scuse par polsâ
- la muart e ven simpri cun cualchi scuse
- nissun nol va te buse, ogni muart e à la sô scuse
- ogni mâl cun cualchi scuse
- ogni muart cu la sô scuse
- ogni scuse e je buine par tant che e tache
- ogni scuse e tapone une buse