Dizionari de Lenghe Furlane

cjan  cjan  [FO]

1. s.m. [FO, TS] zool. animâl origjinât dal dumiesteament dal lôf, selezionât o diferenziât in plui taiis, colôrs e funzions che a puedin jessi di cjace, di vuardie, di compagnie e v.i., lat. sient. Canis lupus familiaris:  ancje Delsar al veve lis sôs bestiis che ur voleve ben: trê cjans danês, tacolâts blancs e neris, grancj come vidiei, che a mangjavin biscots e bistechis: fortunâts e siôrs (Riedo Pup, I furlans e lis bestiis); il cjan, tignût a bade dal baston dal piorâr, si jere metût a urlâ di lôf (Pieri Somede dai Marcs, Clâr e scûr)
   Sin. totò , cjan di vuardie ipon. , cjan di cjace ipon. , cjan di cjase ipon. , cjan miscliç ipon. , cjan bastart ipon. , cjan barbin ipon. , cjan di pastôr ipon. , brac ipon. , cjan di becjâr ipon. , cjan di buride ipon. , cjan di ferme ipon. , mastin ipon. , bolpin¹ ipon. , cjan di taur ipon. , cjan di pioris ipon. , cjan lupin ipon. , cjan lunc ipon. , cjan di tacs ipon. , cjan paiâr ipon. , cjan di paiâr ipon. , pumar ipon. , levrîr ipon. , cjan todesc ipon. , cjan lôf ipon. , cjan pastôr ipon. , cjan di vuaite ipon. , cjan di jeur ipon.
   Cfr. cjice , vuacâ , vuicâ , cainâ , rugnâ , ruzâ , baiâ¹ , baulâ , urlâ
2. s.m. (fam.) in frasis neg., nissun:  no cjatavin un cjan che le compràs chê braide (Alan Brusini, Par stradis lungjis); al si cjalà dulintor, come se al speràs che cualchidun al fos li a spietâlu. Ma nol jere nancje un cjan (Carlo Sgorlon, Prime di sere)
   Sin. anime , nissun
   
   1. ancje in frasis afermativis, cualchidun:  o provarai a viodi se o cjati un cjan che us e compri (Carlo Sgorlon, Prime di sere)
3. s.m. (fig.) in comparazions o espressions che a vuelin esprimi in gjenerâl cundizions negativis
   
   1. incapacitât, incompetence:  un lavôr di cjan, propit: si scuen tornâ a fâ dut
   2. fadie, strache:  ancje vuê o ai scugnût lavorâ di cjan di un scûr a chel altri
   3. malinconie, umiliazion, disperazion:  come cjans bastonâts, cu la code fra lis gjambis, si jentre in stazion (Arturo Feruglio, Viaç a Vignesie); lant ator pe cjase, di une stanzie a di chê altre, lant sù te cjamare o te stale come un cjan restât cence paron, po par parâle vie si è metût a bevi (Pieri Menis, Chei di Muraie)
   4. solitudin:  nol jere jentrât plui in glesie e il plevan al diseve che al sarès muart cence pintîsi, bessôl come un cjan (Pieri Somede dai Marcs, Nadâl); al passà di cheste vite çavariant, misar e bandonât tant che un cjan (Josef Cjargnel, La liende di Dimponç)
   5. dispresi:  jo o podarès lâ dentri, parâju fûr di ca come doi cjans (Costantino Smaniotto, Co l'amôr al cimie); pardut, soldâts cui fusîi… E feminis, puaris feminis ebreis, a scovâ, a scjariâ vagons, cjaladis come cjans rabiôs des sentinelis (Pieri Menis, Zilugne)
   6. crudeltât, tristerie:  chel cjan al sarès bon di vendi sô mari
   7. ancje par volê dî devozion, sumission, obedience:  al rive il ministri cul federâl e cun lui une sdrume di fassiscj cu la acuile sul cjâf che, come cjanuts, vignivin daûr (Pieri Somede dai Marcs, La veretât e va ben simpri dite)
   8. adi. brut, dûr di sopuartâ:  fâ une vite cjane
4. s.m., adi. in esclamazions, imprecazions e ofesis:  si svilupe un dibatit democratic, in plene regule: cretin di un prepotent, ma jo ti gjavi i voi, brute sgrembie, cjan ledrôs, cjice bastarde (Laurin Zuan Nardin, Lis domandis); a mi mi si à spacât il cûr cuant che al è lât vie, chel fi di un cjan! (Luciano Rocco, La foghere); «O demoni! O cjan e fûr!», i disè. «Ti ài pescjât, po! Jo sudâ e tu robâmai [i lens za taiâts]? Eh, no! Poie jù svelt chel cos e sparìs! E pree Diu che no ai une cjadree tes mans, che o te romparès jù pe schene!» (Meni Ucel, Zebec); Martinis, cjan da la ue! Nô o varessin di dismontâ a sîs e dutis lis voltis che nus tocje di controlâ Ashgrove si finìs a dîs! Cumò vonde! (Franco Marchetta, Light my Fire)
   Sin. can , cagn
5. s.m. [TS] arm. intes armis di fûc, jeve che e je fate movi svelte di une suste e che e va a bati daûr de fissete par fâ sclopâ la cjarie:  el cjan de sclope al jere sence suste (Pieri Corvat, El cuarantevot)
6. s.m. rimpin pal solit di metal che al covente par sierâ vistîts o sim., tal puest dai botons:  i cjans dal bust
   Cfr. asule , cjice , incjanâ , discjanâ
7. s.m. bande daûr de lame dal curtìs, chê che no taie
   Sin. schene
8. s.m. [TS] edil. ognidun dai trâfs che a vignin injù par tignî sù une ale di cuviert o infûr par tignî sù un solâr o sim.:  i miei fruts a son ducj imboreçâts cu la idee di comprâ lis cjampanutis di crep. A àn traficât dute une zornade a inclaudâ tocs di len, sot un cjan dal puiûl, par picjâlis (Maria Forte, La tiere di Lansing)
   Sin. biscantîr , trâf iper.
   Cfr. jone , morâl² , diurint , cjadene , filâr , cuarde

Polirematichis e espressions idiomatichis

• a talpe di cjan loc.av., loc.adi.inv.
• bati il cjan loc.v.
• cjan barbin loc.s.m.
• cjan barbon loc.s.m.
• cjan bassot loc.s.m.
• cjan bastart loc.s.m.
• cjan bastonât loc.s.m.
• cjan da la ombre loc.inter.
• cjan da la ue loc.inter.
• cjan di becjâr loc.s.m.
• cjan di buride loc.s.m.
• cjan di cjace loc.s.m.
• cjan di cjase loc.s.m.
• cjan di ferme loc.s.m.
• cjan di jeur loc.s.m.
• cjan di mâr loc.s.m.
• cjan di paiâr loc.s.m.
• cjan di pastôr loc.s.m.
• cjan di pioris loc.s.m.
• cjan di seguit loc.s.m.
• cjan di tacs loc.s.m.
• cjan di vuardie loc.s.m.
• cjan lôf loc.s.m.
• cjan lunc loc.s.m.
• cjan lupin loc.s.m.
• cjan mastin loc.s.m.
• cjan miscliç loc.s.m.
• cjan paiâr loc.s.m.
• cjan pastôr loc.s.m.
• fâ di cjan e di lôf loc.v.
• fâ vitis di cjan loc.v.
• fumâ il cjan loc.v.
• moscje di cjan loc.s.f.
• murî come un cjan loc.v.
• taiâ il cjan loc.v.

Proverbis:

• a Nadâl un pît di gjal, prin dal an un pît di cjan
• a Nadâl un pît di gjal, prin dal an un pît di cjan, a sant Antoni un pît di demoni
• aghe e pan, mangjâ di cjan
• al è miôr un cjan che al baie che no un che al tâs
• al è plui ce fidâsi dal cjan che al baie che no di chel che al tâs
• al lôf il cjan i mostre i dincj
• al mene la code il cjan no par te ma pal pan
• al sta il cjan pe spese
• al vûl rispietât il cjan dal paron
• ancje il cjan cul menâ la code si vuadagne la spese
• cjan che al baie nol fâs mâl
• cjan che nol baie al muart
• cjan e vilan no sierin mai la puarte
• cjan nol baie di lôf
• cjan nol mangje cjar di cjan
• cjan vieli nol baie dibant
• cjar di vedran no le vûl nancje il cjan
• cjastie la cjice par che il cjan al resti a cjase
• cjaval, cjan, femine e sclope no si imprestiju mai
• cuant che il cjan al baie, il paron al à baiât
• cuant che il lôf al devente vieli, i cjans i pissin intor
• cui che al refude pan al è piês di un cjan
• cui che al vûl stâ san che al pissi dispès tant che il cjan
• cui che al vûl un cjan di cjace che lu cjoli di raze
• dai al cjan che al è rabiôs
• dai al cjan cuant che al scjampe
• fra cjans no si muardin
• i bêçs dai vilans e i coions dai cjans a son i prins a mostrâsi
• il cjan al à i dincj in bocje
• il cjan al è il plui fedêl amì dal om
• il cjan dal ortolan nol mangje la salate e no le lasse mangjâ
• il cjan di doi parons al mûr di fam
• il cjan nol mene la code par dibant
• il cjan nol môf la code se no si lu paie
• il miôr amì dal om al è il cjan
• il sorturc a sant Zuan a la panze dal cjan, a sant Pieri a la panze dal puieri
• la cjar dal vedran no le mangje nancje il cjan
• la lune no sint il baiâ dai cjans
• la tampieste e cole simpri sui cjans magris
• lasse stâ cuiet il cjan cuant che al duar
• lauditi cjan che tu âs la code lungje
• lauditi cjan che tu âs une biele code
• miôr lâ vie a gjat che lassâsi come cjans
• miôr lâ vie a gjat che lassâsi come cjans, cence nasâsi
• miôr laris ogni un tant che no mantignî simpri il cjan
• nancje il cjan nol mene la code dibant
• ni par baiâ di cjan ni par ronâ di mus nol è stât mai fermât il cors de lune
• ni par bondance ni par cjaristie no reste la cjar in becjarie che il cjan o il gjat le puartin vie
• no si po dâi al paron? une clapade al cjan
• no stâ tocjâ il cjan cuant che al duar
• novantenûf voltis il jeur e une il cjan
• ogni cjan al è leon a cjase sô
• ogni cjan al laude la sô code
• ogni cjan al laude la sô code, ogni femine il so frut
• pan e nôs, gustâ di spôs; nôs e pan, gustâ di cjan
• prin dal an, pas di cjan; Pifanie, pas di strie
• prin dal an, un pît di cjan; Pifanie, un pît di strie
• purcit di mulinâr, cjan di becjâr, fantate di ostarie no convegnin ogni massarie
• sant Zuan nol imbroie une code di cjan
• si amin tant che il cjan e il gjat
• ucii il cjan al lôf se tu vûs che no ti vegni cuintri
• un bon avocat al fâs passâ par cjan ancje il gjat
• une volte al cor il cjan e une volte al cor il jeur
• vuarditi dal cjan che al tâs
• vuarditi dal cjan che nol baie