vuacâ
vua|câ
[AF]
-
v.intr.
dai cjans e di cualchi altri canide, fâ il lôr viers tipic, fuart e curt, ancje ripetût:
doi cjanuts spelâts e grintôs a pene che mi àn viodût a son saltâts sul sofà e mi vuacavin cuintri come scjadenâts (Pieri Somede dai Marcs, Un testament);
lontan pe taviele nere e mute cualchi cjanat al vuache di lôf (Dino Virgili, La aghe da pît la cleve)
Sin. baulâ
, vuagnâ
, baiâ
Cfr. urlâ
-
v.intr., v.tr.
(fig.)
di persone, vosâ cun rabie, cun fuarce:
si capìs che o sês usadis par cjase a vuacâ cu la canaie (Josef Marchet, Lis predicjis dal muini);
[il comandant todesc] al vuacà un ordin e ducj si ritirarin (Gianni Gregoricchio, Trê feminis)
Sin. baiâ
, baulâ
, berghelâ
, vuagnâ
, berlâ
, zigâ
-
ancje di sogjet inanimât, aparât, element naturâl e v.i., fa un sun fuart:
a rivavin i aeroplans des incursions a bombardâ e si sintive a vuacâ l'alarme (Ivano Urli, Storie di Min)