Dizionari de Lenghe Furlane

zigâ  zi|gâ  [AF]

1. v.intr., v.tr. mandâ fûr la vôs une vore a fuart, sedi cun peraulis che dome cun viers o sunsûrs, par clamâ, laudâ, protestâ, cridâ e v.i.:  chel puar diaul al scomençà a zigâ come un spirtât (Luigi Gortani, Meni Fari); Jacum al jere restât cui dêts fers sui botons, vert di rabie, e i veve zigât come ofindût (Maria Forte, La cjase dal Murat); si spalancave a colp cualchi scurete e une vôs e zigave un «mandi» e un non (Dino Virgili, La aghe da pît la cleve)
   Sin. berlaçâ , ciulâ , craçâ , cragnâ , cridâ , cuarnâ¹ , disgosâsi , fâ vôs di Atile , fricâ , sbardaiâ , scriulâ , spampanâ , tambarlâ , tampiestâ , trombonâ , ucâ , urlâ , vosonâ , vuacâ , vuicâ , berlâ , sberlâ , vosâ
   Var. cigâ
   
   1. ancje di bestie o di element naturâl o di ogjet, fâ un sunsûr fuart:  a si sintin zigâ i ultins avostans tai nestris cjamps (Pier Paolo Pasolini, I Turcs tal Friûl); si sintive fin dentri il zigâ de cidule che e davuelzeve la cuarde (Maria Forte, Cjase di Dalban)

Proverbis:

• al zighe plui fuart cui che al à tuart
• cui che al à tuart al zighe plui fuart
• se tu vûs vê reson, zighe fuart