Dizionari de Lenghe Furlane

berlâ  ber|lâ  [FO]

1. v.intr., v.tr. mandâ fûr la vôs une vore a fuart, sedi cun peraulis che dome cun viers o sunsûrs, par clamâ, laudâ, protestâ, cridâ e v.i.:  i le dongje e i molà un pugn pe schene di fâlu berlâ (Antoni Beline, Pre Pitin); in place al jere dut un sdavàs, int che e berlave e che e rideve (Gianluca Franco, Cuant che l'Istât al finìs - Ogni etât la sô maravee); lis vuardiis a mandarin fûr dai vagons dute la int, berlantjur daûr come bestiis, vierzint lis valîs e savoltant dut ce che al jere dentri (Pieri Menis, Sul agâr); - Zito là! - al berlà, a colp ruan (Gianni Gregoricchio, Trê feminis)
   Sin. berlaçâ , ciulâ , craçâ , cragnâ , cridâ , cuarnâ¹ , disgosâsi , fâ vôs di Atile , fricâ , sbardaiâ , scriulâ , spampanâ , tambarlâ , tampiestâ , trombonâ , ucâ , urlâ , vosonâ , vuacâ , vuicâ , zigâ , sberlâ , vosâ , berghelâ , sberghelâ , businâ
   
   1. ancje di bestie o di element naturâl:  ce aie di vê usgnot la vacje che e berle? (Meni Ucel, Dolfo); il berlâ lunc come un lament des pioris al taiave l'aiar come lamis di açâl (Pieri Somede dai Marcs, Clâr e scûr)