sogjet
/-èt/
so|gjet
[FO]
-
s.m.
argoment, cuistion di une discussion, conversazion, riflession e v.i. o teme di une vore artistiche o leterarie:
ogni sogjet che e piturave al veve alc di primitîf e di ancestrâl (Carlo Sgorlon, Ombris tal infinît);
l'artist che al sint la art, al adore ancje il sogjet che lu ispire (Costantino Smaniotto, Co l'amôr al cimie);
tal 1890-92 […] e je stade fate une recite te Cjase di ricovar di vie Praclûs, cuntun teatrin improvisât […]. Sogjet de presentazion e je une classiche aventure di Arlechin (Bepi Agostinis, Storie e cronistorie dal teatri in Friûl)
Sin. argoment
, teme2
Var. subiet
-
persone che e comparìs tune rapresentazion, tune narazion, tune discussion e v.i.:
ripresis a straplomp che si incrosin cun moviments di machine che a involucin il sogjet, plans li che il personaç si cjate juste tal mieç di un cuadri larc e vueit (Fabian Ros, Loreak, flôrs e cinise)
-
s.m.
individui o complès di individuis o ancje istituzion che a fasin une cierte azion:
ancje su chest fat la Assemblee de comunitât linguistiche furlane e à fat sintî la sô vôs, dongje di altris sogjets istituzionâi, politics e de societât civîl (Marc Stolf, Rai e furlan: la Italie e je «una e incorreggibile»)
-
s.m.
spec. spres., individui che al da suspiet, antipatie, maravee:
al jere il viceprefet, un om di chei de tiere balarine e, par noaltris furlans, un sogjet pôc gustôs dal sigûr cun chê muse di comant e di pôc di bon (Pieri Somede dai Marcs, Lis votazions);
la strade de sede mazziniane e jere deserte, fûr che par un pâr di sogjets che a levin sù e jù e a savevin tant di polizie politiche (Adrian Cescje, Memoriis di politiche linguistiche)
Sin. element
, persone
, scampul
, figure
, personaç
-
s.m.
[TS]
med., sient.
individui in cure o sot indagjin cliniche o cjapât in esam intune ricercje:
si à viodût che se un sogjet bilengâl al veve une lesion intal emisferi di çampe e al deventave afasic, nol jere dit che al ves i stes problemis in dutis dôs lis lenghis (Daniela Perani, Neuroimagjins funzionâls e cerviel bilengâl);
a àn esaminâts e metûts in prove centenârs di sogjets [cjans rabiôs], e a son rivâts adore a cjatâ la lidrîs de rabie (Riedo Pup, Il compromesso)
-
s.m.
[TS]
ling., gram.
viôt subiet
-
adi., s.m.
che, cui che al sta sot dal domini, de autoritât o dai efiets di cdn. o di alc:
[lis comunitâts dal Friûl] a aministravin la justizie sui lôr sogjets (Josef Marchet, Cuintristorie dal Friûl fin sot la Italie);
che al viodi mo, par dîle francje, jo o soi stade avonde sogjete a miei fradis (Pieri Somede dai Marcs, Butìnle in staiare);
pal pinsîr moderni invezit ogni classificazion e je sogjete ad arbitrarietât, a relativisim culturâl, (Mario Turello, Il brevet)
-
adi.
introdusint une infinitive, che al à la pussibilitât di patî un fat, un efiet, une cundizion:
ancje i Clevis a jerin umign e sogjets a patî e a murî, come ducj (Dino Virgili, La aghe da pît la cleve)
Polirematichis e espressions idiomatichis
Proverbis:
- l'om laboriôs nol dipent di nissun, al è libar; l'om poltron al è sogjet a ducj, al è sclâf
