personaç
/-àç/
per|so|naç
[FO]
-
s.m.
persone o animâl antropomorfizât che al à une part intune narazion o intune rapresentazion teatrâl, televisive, cinematografiche, iconografiche e v.i.:
Emma, il personaç centrâl di Madame Bovary e pative di crisis convulsivis (Franc Fari, Il cjâf dai furlans);
Atile, re dai Uns, al è un personaç storic, ma in Friûl al è jentrât ancje tes tradizions popolârs (Sandri Carrozzo, Friûl di Magance)
Sin. figure
, persone
Var. personagjo
-
s.m.
persone cognossude:
[jenfri 1945 e 1955] a Udin al jere dut un ferment: pardut iniziativis culturâls, circui gnûfs, mostris di piture, concierts, conferencis. I personaçs de culture e de politiche si frecuentavin, si incuintravin, a discutevin, a barufavin (Pierluigi Visintin, Friûl e furlans te Histoire de ma vie di Giacomo Casanova);
Pieri Çorut al è stât un personaç impuartant de leterature furlane (Roberto Iacovissi, Pieri Çorut)
Sin. celebritât
, om di non
-
s.m.
(fam.)
persone particolâr o estrose che si fâs cognossi pal mût di pensâ o agjî:
Gustavo Burat al è un personaç straordenari. Personâl di granadîr piemontês, muse simpatiche di lune incurnisade di une cjavelade riçote, rincjin te orele ae usance alpine, cuant che al tache lis sôs perorazions pe cause minoritarie al è un diluvion di oratorie (Adrian Cescje, Memoriis di politiche linguistiche);
un om vistût di femine cul carrè biont stîl Cleopatra, une scarpe di un tipo e une di un altri e un anel di taur sul nâs! Mi àn dit che se lu viodevi lu varès metût di sigûr al prin puest de graduatorie dai personaçs plui stramps di dut il festival (Checo Tam, La maree nere)
Sin. personâl
Cfr. blave
, fiube
, lane