persone
/-ò-/
per|so|ne
[FO]
-
s.f.
individui de raze umane:
i parons di chest mont a odein lis personis; a volaressin vê dafâ nome cun pipins […]. Invezit une persone e à la sô fisionomie, la sô stature, il so cerviel, la sô cussience, la sô culture, il so gust, il so costum (Josef Marchet, Personis e pipins);
jê e veve simpri cjalât, dal bas de sô buine semplicitât, lis personis che a vevin un grant savê e lis lôr peraulis a restavin fermis, tal so cjâf, come tes lapidis (Maria Forte, Cjase di Dalban)
Cfr. int1
, om
, femine
, cristian
, anime
-
s.f.
complès des carateristichis psicologjichis che a individuin un om o une femine e che si manifestin tal so compuartament:
jo lu vevi preseât tant che inteletuâl di prin ordin cuant che lu vevi vût professôr di religjon al liceu, […] ma la sô persone mi entusiasmà ce tant di plui cuant che si manifestà inte sô dimension politiche furlaniste (Adrian Cescje, Memoriis di politiche linguistiche);
la puntiliositât e la coerence a fasevin part de sô persone, dal so mût di jessi (Erika Adami, La olme di un grant furlan)
Sin. personalitât
-
s.f.
cuarp, linie o aspiet dal cuarp:
ducj i moviments de sô persone a fasin viodi il scombati des ideis te sô anime (Pieri Somede dai Marcs, Gnot di Nadâl);
Lulù, invezit, e poià la sô persone su la spuinde dal jet (Fabian Ros, Eivissa mon amour)
Sin. aste
, cuarp
, personâl
, vite
, figure
, forme
-
s.f.
[TS]
teol.
te teologjie cristiane, ognidune des trê figuris che si manifeste la Trinitât:
[la glesie] e je intitulade a un dai dogmis fondamentâi de glesie catoliche, chel de homousia, ven a stâi de divinitât compagne des trê personis dal Pari, dal Fi e dal Spiritussant (Aministrazion Publiche, Puçui - Glesie de Santissime Trinitât )
-
s.f.
[TS]
gram.
carateristiche morfologjiche dal pronon e dal verp che e segnale une relazion direte di cui che al fevele cul sogjet che al scolte:
o presentarìn dome une note a rivuart dal pronon interogatîf, dai numerâi e dai pronons personâi di tierce persone (Zorç Cadorin, Cualchi ipotesi sul furlan di prin di scrivilu)
-
s.f.
[TS]
marcj.
dimension aprossimative che e permet a un om o a une femine di stâ distirât comut, tignude tant che indicazion tal cumierç di jets, materàs, bleons e v.i.:
al à cjapât il telâr dal grant jet che lui al doprave di une persone e mieze e lu à seât par traviers (Riedo Pup, Siôr Celso e mister Donald)
Polirematichis e espressions idiomatichis
Proverbis:
- chê persone che no ten la mortificade, no vignarà mai ni buine ni brave
- lis personis si cognossilis tal voli
- si da il bundì e il bon an daûr de persone