vite
vi|te
[FO]
-
s.f.
cundizion di esistence dai organisims che a nassin, che a cressin, che si riprodusin e che a muerin:
il cocolâr sut, indurît, pâr che nol vedi ni umôr ni vite (Catarine Percude, La rosade di sant Zuan);
tal so libri al conte de dificoltât emotive tal frontâ la linie fine fine che e divît la vite de muart (Christian Romanin, Amato De Monte: Il Friûl, patrie des bataiis di civiltât)
Sin. esistence
, jessi1
, vivi
-
complès dai fenomens di nassite, cressite, riproduzion e muart tipic dai vivents:
Charles Darwin al à mostrât che un dai principis dal disvilup de vite inte nature al è propit chel di formâ gnovis speciis (Franc Fari, Il cjâf dai furlans)
-
complès dai organisims vivents:
chescj armaments [lis armis nucleârs] a son i plui disumans mai pensâts dal om […], i unics bogns di distruzi dal dut la vite tal nestri planet (Alessandro Pascolini, Un mont cence armis nucleârs. Sfidis sientifichis e tecnologjichis)
-
s.f.
dade di timp jenfri la nassite e la muart:
un om gjubiâl che in vite sô nol à copade nancje une pavee (Riedo Pup, I furlans e la cjace)
Sin. esistence
-
dade di timp jenfri la nassite e il timp presint:
par chê bondance che ai e che ai vût in vite mê, che il fol mi foli se doi trê coculis di chest mont (Luigi Gortani, Meni Fari);
a veva davour di se una vita lungja che a la veva usada a tignî dûr cu la fan e cu li malori (Novella Cantarutti, La agna Mia di Ristec)
Sin. esistence
-
dade di timp che e reste di vivi:
o vês la pussibilitât di imbastî relazions di gale, di inmaneâ fameis di aur, di preparâsi la felicitât par dute la vite (Josef Marchet, Lis predicjis dal muini);
de Russie al jere tornât malandât in salût e cui pîts macolâts in vite sô di chê sorte di frêts (Ivano Urli, Il conducente)
Sin. esistence
-
s.f.
(fam., fig.)
dade di timp une vore lungje:
"Oh, se je fâs paiâ! Crodessio di spietâ une vite, ma i torni la farine e inmò cu la muldure" (Roberto Ongaro, Il muc);
di colp al gambià discors domandant a Tomâs parcè che al fos tornât, dopo une vite passade tal forest (Mario De Apollonia, Il timp par ledrôs)
Sin. agnorums
, secul
-
s.f.
mût di vivi:
al veve miôr dal sigûr une vite dure, cence fantasiis, cence fotis pluitost che une vite comude e sbrendulone (Pieri Somede dai Marcs, O sielç lis stelis);
si capive che i veve plasût la tace e l'aspiet di strissindul al pandeve une vite stuarte e straçone (Maria Forte, Cjase di Dalban);
une siorute di cûr, e faseve une vite dignitose e ritirade (Dino Virgili, La aghe da pît la cleve)
Sin. vivi
-
in espressions di judizi sul mût di vivi:
"Ti parial che e sedi une vite la nestre!" (Pieri Somede dai Marcs, Un pugn di moscjis)
-
s.f.
aspiet, ativitât specifiche de esistence, sedi individuâl che coletive:
al è stât il moment plui dolorôs de mê vite politiche, che mai no varès imagjinât di scugnî lassâ il Moviment che i vevi dade la anime e la zoventût (Adrian Cescje, Memoriis di politiche linguistiche);
[Fred Pittino] al è stât un dai protagoniscj de vite artistiche locâl, e mestri di diviersis gjenerazions (Bepi Agostinis, Storie de art in Friûl)
Sin. ativitât
-
s.f.
complès des circostancis de vite umane, cors des vicendis dal om:
no soi furbe, savêso, ma prudente sì. La vite mal à insegnât (Carlo Sgorlon, Prime di sere)
Sin. mont2
, vivi
-
s.f.
durade di alc inanimât, di un fenomen, di une organizazion e v.i.:
la esperience dal Istitût no varà vite lungje, ma par cualchi an e sarà il lûc par pandi un spirt di colaborazion che tal mont culturâl furlan al veve simpri fat fature a imponisi (Max Mauro, Un Friûl difarent: i 90 mhz di Onde Furlane)
-
s.f.
(fig.)
ce che al permet di vivi:
la Tor, une volte, e jere vite e lavôr: cui vencs a si fasevin zeis, cui claps la cjalcine, cu la aghe a si jemplavin lis roiis e a si fasevin zirâ i mulins (Cristina Noacco, Faliscjis)
-
s.f.
(fig.)
robe o persone che si calcole une vore impuartante, che si dedichii la plui part des fuarcis, dal impegn, dai afiets e v.i.:
dopo cualchi an la sô femine e je lade al Creatôr e Benvignude [sô fie] par lui e jere dute la sô vite (Pieri Somede dai Marcs, Nadâl)
-
ancje tant che apelatîf, persone che si vuelii ben:
oh, vite mê, no pues consolâmi inniò, fintant che no tu mi varâs gjavade cheste spine (Giorgio Faggin, Biatrîs. La perle de poesie flamande medievâl)
Sin. cûr
, anime
-
s.f.
(fig.)
dificoltât, stente:
"Cetantis vitis par tirâ sù lis nestris creaturutis" (Pieri Somede dai Marcs, Resurezion a Pontinie);
dopo tantis vitis, e à decidût di lassâsi invidâ a cene (Cristina Noacco, Faliscjis);
se il guvier, a fuarce di vitis, nus à molât alc pe ricostruzion, al à fate nome la part dal so dovê (Josef Marchet, Fevelâ par dibant)
Sin. dificoltât
, grop
, stente
, strussie
-
s.f.
(fig.)
vitalitât, salût:
etât o no etât, al jere ancjemò un om plen di vite e di fûc (Gianni Gregoricchio, Trê feminis)
Sin. morbin
, salût1
, spirt
, vigôr
, vitalitât
, vivacitât
, vivece
, vivôr
-
s.f.
(fig.)
moviment:
Triest si è svilupât, dopleât, al è deventât une citadone grande, siore, plene di vite sot da la Austrie (Josef Marchet, Cui nus liberaraial des liberazions?);
la strade, cumò, i someave cetant plui maluseriose, cundut che tancj contadins i davin vite e sunsûr (Maria Forte, La tiere di Lansing)
Sin. ferment
, moviment
, vitalitât
, vivacitât
, vivece
, vivôr
-
s.f.
singul vivent, spec. singule persone:
a àn sierât cul reticolât e distrut cu la torture milions di vitis umanis (Pieri Piçul, Vieri e gnûf);
tantis vitis çoncjadis. Tantis lagrimis (Checo Tam, Lis pinessis)
Sin. persone
, vivent
-
s.f.
opare scrite, o ancje rapresentazion artistiche, che e conte i fats de esistence di cdn.:
te «vite» dal Pordenon di Giorgio Vasari (1568) o cjatìn lis plui vieris notiziis de storie de art sul nestri Pelegrin di Udin o di S. Denêl (Bepi Agostinis, Storie de art in Friûl)
Sin. biografie
-
s.f.
part ingjavade dal cuarp parsore dai flancs o plui in gjenerâl, part centrâl de persone, cuarp de persone:
co le cjapi pe vite sutiline e tenare, e à la muse dolce (Dino Virgili, La aghe da pît la cleve);
cui cu passe al cjale chê aghe scure, chê ombrene, al sint un sgrisulaç pe vite e al fui spaurît (Catarine Percude, Lis aganis di Borgnan);
sot di chê camisole cjaminant si môf une vite di agnul (Dolfo Zorzut, La furlane);
blancje e rosse come un miluç, une vite gaiarine, i voi come dôs moris, il nasut visentin, e filave, e cjantave, e jere la plui biele dal paîs (Catarine Percude, L'ucielut de Mont Cjanine)
Sin. cinture
, cinturele
, cinturin
, cinturon
-
s.f.
toc di un vistît che al corispuint a chê part dal cuarp:
al veve un pâr di bregons smolaçâts te vite di cjanaipe e bombasine (Pieri Somede dai Marcs, Il gno prin mestri);
a usin lis cotulis cu lis pletutis e lis cjamesutis cu la vite basse basse (Roberto Ongaro, Cretevierte)
Sin. cinture
, cinturele
, cinturin
, cinturon
Polirematichis e espressions idiomatichis
Proverbis:
- al è plui timp che no vite
- cence sacrifici no si à nuie de vite
- cjase mê, vite mê
- cualchi volte e dure plui une vite viere che no une gnove
- cui che al vuarde la sô vite al vuarde un grant cjistiel
- cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi
- daspò: vite dulcedo, a ven: vite suspiremo
- il brût de pite al va par dute la vite
- il dì plui biel de vite al è cuant che si purcite
- il presit de libertât e je la vite
- la bausie e à curte vite: se e guste no cene
- la muart dai çus e je la vite dai zupets
- la muart de piore e je la vite dal corvat
- la tô muart e je la mê vite
- la vite e je il content dai fortunâts, il malcontent dai disperâts
- la vite e je il content dai fortunâts, il torment dai disgraciâts
- la vite e je un regadin: un fîl blanc e un turchin
- lis feminis a àn siet vitis e un vitin
- panze famentade, vite disperade
- vin e amôr, vite di siôr
- vite di jentrade, vite disperade
- vite di jentrade, vite stentade
- vite e gjolt, vite e paie
- vite e stime scjampadis, no tornin sul vergon
